Casoria

Casoria
Nomme ufficiale:	Casoria
Stato:	Italia
Reggione:	Campania
Pruvincia:	'e Napule
Estenzione:	12.03 km²
Pupulazzione:	78.647 (31-12-2011)
Denzità:	6.537 ab./km²
'E riune:	Arpino
Commune vicini:	Afragola, Arzano, Cardito, Casalnuovo 'e Napule, Casavatore, Frattamaggiore, Napoli, Volla
Coordinate giugrafiche:	40°54′0″N 14°18′0″E
Sinnaco:	{{{sinnaco}}}
Codice pustale:	80026
Prefisso pe ttelefunà:	081
Santo prutettore:	San Mauro
Festa d'o patrono:	15 'e jennaro
Localizzazione
Casoria
Sito:	comune.casoria.na.it

Casoria è nu comune 'e 78.647 abitante d''a pruvincia 'e Napule.

Storia

Veduta 'e Casoria

'O nomme 'e Casoria vene citato pe 'a primma vota in quacche documiente ê anne 993-998, ma va 'e sicuro ricullegato 'a "casa aurea raviosa" ca cumpare in quacche documiento ê anne 952-988. 'O toponimo, 'nfatte, deriva d' 'o latino "casa aurea" ca vvò dicere littiralmiente "casa 'e oro": casa, abitazzione rurale, 'e oro, forse pe 'a fertilità d''a terra.

Na' casa 'e oro cumpare pure 'int' 'e cchiù antiche stemme d' 'o cumune, d' 'a primma mità d' 'o Setteciento, ca campeggiano 'int' 'a chiesa 'e San Mauro. Proprio 'o santo prutettore è ligata n'ata ipotesi 'ncopp'â ll'origgine d' 'o toponimo, ca putrebbe venì 'a casa Mauri ca cumpare in nu paio 'e documiente stilati attuorno o Mille ntra Napule e Aversa. N'ipotesi, rice ca vene d' 'o grieco κασάυρον (kasáuron, ca segnefica bordello).

Assaje ritrovamiente archeologgece attestano ca 'o terrieno era abbitato ggià ô III seculo primma 'e Cristo. Era nu terrieno agriculo 'e cunfine, nfra ll'area Atellana e ll'Ager Neapolitanus, 'ncopp'ô quale 'int' 'e siecule song sorti e sviluppate assaje villaggi. E spisso assaje pure finnuti: na epigrafe greco-latina ô 198 d.C., ritruvata a Carbonella, testimonia proprio 'a grave crise in cuie virsava ll'agricultura in chello periudo.

'A ripresa arrivatte sulo aropp'ô VI seculo, cu ll'azzione d' 'e monace Cassiinese, Benedettine. Sicondo 'a tradizzione pupulare,Casoria sarebbe 'o "territorium gentianum" rigalato ô 529 d' 'o pate 'e San Mauro 'o maestro Benedetto. Ma chesta, è sulo na liggenna. 'O terrieno 'e Casoria, 'nfatte, fa parte 'e na vastissima zzona cumpresa ntra ll'area aversana e 'e pendicie d' 'o Vesuvio fatte 'e sicuro abbascio 'a spinta d' 'e Benedettine d' 'o IX seculo. 'O villagio 'e casoria, tuttavia, se è sviluppato in modo cchiù forte attuorno 'o Mille ppe 'o munastero benedettino napulitano 'e San Gregorio Armeno, ca ha ntrodutto 'o culto 'e San Mauro.

D' 'o XIII seculo Casoria era feudo 'e ll'arcivescuvo 'e Napule e ô XV seculo costituiva nu feudo 'nzieme 'e villaggie ogge nun cchiù esistiente 'e "Casignano"e "Olivola". Ô 1580 'o feudo fuje aggregato 'o demanio regio e ô 1631 venette miso 'a ll'asta e fuje riscattato d' 'e stisse abbitante (300 famiglie), pe 'o sinnaco Giuvanne Pisa. Facette quinne parte d' 'e casale demaniali, cchiù aroppo diventate cumune.

Ô 1815 divenette capoluoco 'e nu circondario d' 'o Regno d''e Ddoje Sicilie, 'int' 'o quale erano ricumprese 19 cumune.

'O terrieno paludoso venette bunificato 'e inizzie d' 'o XIX seculo. Chella ca era stata na landa malsana divenette terrieno fertilissimo, in grado 'e furnire nzi 5 raccolte ll'anno, grazzie 'a fertilità d' 'o terrieno vurcaneco, d' 'a superficialità e abbundanza d' 'a falda freateca e d' 'a labboriosetà d' 'e cuntadine. Nzi ll'anne 1950 fuje nu centro prevalentemente agriculo, cu n'ecunumia funnata 'ncopp'â produzzion e cummercializzazzione d' 'o vino e d' 'a pasta e d' 'a lavorazzione d' 'a canapa e d' 'a mela annurca. LL'abbetato prisintava nu nucleo storeco, ricunducibble 'e Via San Benedetto, Via Padre Ludovico, Via Santa Croce e Via San Mauro, 'a cuie dipennevano masserie e casale, in particulare 'ncopp'ê strade ca purtavano 'a vicina Napule.

'O centro abbetato, ogge è uno d' 'e cchiù gruosse d' 'a Campania ('a pupulazzione è quase 4 vote 'e cchiù ntra 'o censimiento d' 'o 1951 e chello d' 'o 1991), ha canusciuto 'a maggiore espanzione demografeca ê anne '60, quanno divenette 'o principale polo innustriale d' 'o Mezzojuorno, ogge tutto dismisso. 'O centro 'e Casoria sta ntra Afragola e Casavatore, ggià frazzione d' 'o cumune, e 'e quartiere napulitane 'e San Pietro a Patierno, Scampia e Sicondigliano. Quacche lenga d' 'o terrieno stanno ntra Afragola, Cardito e Frattamaggiore.

Monumiente

Casoria tene assaje chiese e cappelle.

Sucietà

'A suoja pupulazzione sta ntra 'o centro abbetato ca dà 'o nomme 'o cumune, ca è un'uneco mazzucato urbano cu Afravola e Arpino. 'O cumune cumprenne pure terriene geograficamiente ricumprese 'int' 'a cità 'e Afravola, 'e cchiù grosse song Casamerola e Arcopinto.

Pupulazzione

Pupulazzione censita

Economia

Ntra ê anne '70 e '80 'a cità 'e Casoria era ritta "'a Sesto San Giuvanne d' 'o Ssud" pe 'a presienza 'e assaje innustrie e rilievo nazziunale, ntra cuie spiccavano 'a Rhodiatoce, ca faceva 'e terital, 'a Resia, 'e Acciaierie d' 'o sud, 'a Calcobit.

'E stabbilimiente nun stavano in na zzona innustriale. D' 'e anne nuvanta venne spisso appelata, d' 'e giurnali, comme ll'ex Varese d' 'o Ssud. Mmò ll'attività innustriale cchiù gruossa è chella areonautica, 'int' 'a quale p 'mpigniata ll'Alenia cu nu suojo sito 'e produzzione, ca sta in cuntrada Arcopinto.

Nvrastrutture

Ferruvie

'A stazzione ferruviaria 'e casoria è na stazzione 'e RFI S.p.A.

Strade

D"a cità se dipartono l'autostrada d"o Sole (A1) verso nord, 'a A3 verso sud e 'a A16 verso l'Adriateco.

Ariopuorte

L'ariopuorto 'e Napule-Capodichino, è 'n parte ncopp'ô territorio d"o comune 'e Casoria, sebbene limitato dint'ô sujo sviluppo proprio pecché collocato dint'ô 'na zona molto pupulosa, è stato dint'ô 2011 l'uttavo aeropuorto d'Italia ppe nummero 'e perzone traspuortate .