حسن یزدانی

حسن یزدانی

اطلاعات شخصی
کامل نوم	حسن یزدانی چراتی
ملیت	ایران
قومیت	مازرونی
بزائن	۷ دی ۱۳۷۳ (۲۹) جویبار، مازرون، ایران
دیّن جاء	جویبار، مازرون، ایران
کار	ورزشکار
وزن	۸۶کیلوگرم
ورزشی
کشور	ایران
ورزش	آزاد ِکشتی
مربی	همت مسلمی
مدال رکورد شابلون:MedalCount شرکت‌کونندهٔ کشور ایران آزاد کشتی المپیک طلا برزیل ۲۰۱۶ المپیک ۷۴ک‌گ نقره جاپون ۲۰۲۰ المپیک ۸۶ ک‌گ نقره پاریس ۲۰۲۴ المپیک ۸۶ ک‌گ قهرمانی جهان طلا پاریس ۲۰۱۷ ۸۶ ک‌گ طلا نورسلطان ۲۰۱۹ ۸۶ ک‌گ طلا اسلو ۲۰۲۱ ۸۶ ک‌گ نقره لاس وگاس ۲۰۱۵ ۷۰ ک‌گ برنز بوداپست ۲۰۱۸ ۸۶ ک‌گ آسیایی کائون طلا جاکارتا ۲۰۱۸ ۸۶ ک‌گ قهرمانی آسیا طلا بیشکک ۲۰۱۸ ۸۶ ک‌گ طلا آلماتی ۲۰۲۱ ۸۶ ک‌گ بازی‌های همبستگی اسلامی طلا باکو ۲۰۱۷ ۸۶ ک‌گ

حسن یزدانی چراتی (بزائه‌یِ ۷ دی ۱۳۷۳، جویبار) اتا مازرونی و جوباری کشتی‌گیر هسته که آزادِ استایل دله کشتی گیرنه. وه رضا یزدانی جه هم فامیل هسته و وشون هِدی پییر ِعامو پسِر بونّه و اِصالِتاً سوادکوهی‌نه.وشون گَت‌پییر چِراتی هَسّه و از طایفه‌ی یَزدانی‌هایِ چِرات هسّنه.

مسابقات

وه سال ۲۰۱۴ جهون ِجوونون تورنمنت دَرون، که زاگرب دله بی‌یه، قهرمان بیّه و همون سال ایرانِ لیگ دله ختاگ تسابلوف روسیه‌ای ره شکست هِدا.

وه جهونی جام ۲۰۱۵ دَرون، که لوس آنجلس دله بی‌یه، هم ایران ِتنها کشتی‌گیر وزن ۷۰ کیلوگرم دله بی‌یه و بتونِسته قهرمان بَواشه. این مسابقات دله تیم ملی هم قهرمان بیّه. همین سال گادِر لاس وگاس دله اتا تورنمنت جهونی مسابقاتِ نوم جه برگزار بیّه که حسن یزدانی باز هم ۷۰ کیلوگرم دله مسابقه هِدا و تا فینال همه ره بَوِرده. ونه حریفون جنوبی کره، بلغارستون و گرجستون جه بینه که دِتا ره ضربه‌فنی هاکرده و کره‌یی جه هم با اختلاف بَوِرده. بعد وه جیمز گرین، آمریکایی، جه دَکِته و وه ره هم 9-4 بَوِرده و بورده فینال. ولی فینال دله گازی ماگمادوف جه دَکِته که اتا روسیه‌ای کشتی‌گیر هسته. این مسابقه دله 10-3 بباخته و دوم بَیی‌یه. وه ۷۰ کیلوگرم دله کشتی گیته. این وزن المپیک ِمسابقات دله دَنی‌یه و وه اگه خاسته المپیک دله دَواشه وسته شه وزن ره ویشته هاکنه. ۷۴ کیلوگرم اتا المپیکی وزن هسته که جوردن باروز ونه مشهورترین کشتی‌گیر بی‌یه.

حسن یزدان برزیل المپیک وسّه هم تیم ملی دله قرار بَییته و هفتاد و چار کیلویِ نماینده بی‌یه. ونه مسابقه آزادکرون ِاولین روز دله قرار بَییته و ونه قرعه خِجیر دربمو. اولین دور استراحت داشته و بعد اتا هاییتی كشتی‌گیر ره چنتا فیتیله جا دَه-صفر بَوِرده و اًی قزاقستون و ترکیه ره هم با اختلاف بَوِرده تا بورده فینال. اون وَر جه جوردن باروز، آمریکایِ اسطوره‌یی کشتی‌گیر، اتا روس، انور گدایف نوم، جه دكته و این كا دله هر دِ نفر مصدوم بَیینه. گدایف ِبفره (=ابرو) بشکسته ولي وه همونتی تا فینال بموئه. فینال دله هر اتا سرپا یکه اعلام كاردنه، گدایف بفره خون یمو و وسته دکترها وه ره معالجه هاكنن؛ همینسه مسابقه شه طبیعی حالت جه دکته. روسی كاكر اولین نیمه ره شیش-هیچ بَوِرده ولي دومین نیمه حسن وه ره بدجور دپیته و آخرین ثانیه‌ئون كا ره مساوی هایکرده تا آخرین امتیازِ بَییتن وسّه قهرمون بَوائه.

حسن یزدانی جاپون ۲۰۲۰ المپیک دله۸۶ کیلویِ آزادکر بی‌یه و تا فینال برسی‌یه و اونجه شه اصلی رقیب جه دکته که دیوید تیلور، آمریکایی کاکر، بی‌یه. حسن خله حمله کارده و پیشی شی‌یه و همینسه سه‌تا اخطار جه پیش دکته ولی تیلور دِ بار وه ره خاک هاکرده و ۴−۳ بازی ره بَورده. تیلور در حالی بَوِرده که فقط چن ثانیه تا داورِ سوت کار داشته که حسن پیروز بوو. یزدانی اینتی بیّه که نقره بَیته و دوم بیّه. همین سال ۲۰۲۱ دله اتا جهونی مسابقات هم نروژ دله برگزار بیّه. این تورنمنت دله هم یزدانی و تیلور فینال دکتنه و یزدانی این‌صوه وه ره شکست هدا و تیلورِ شکست‌نخاردنِ رکورد ره بشکنی‌یه. ولی همین یک کَش بیّه و دیگر تا سال ۲٬۰۲۳، هر سال ات بار کشتی گیتنه و فینال بهم رسینه ولی یزدانی باخت دا و دوم بی‌یه.

۲۰۲۴ تابستونی المپیک وسه، یزدانی و کامران قاسمپور میون رقابت بی‌یه که کمین‌تا ره راهی هاکنن. حسن یزدانی کول صدمه بدی‌یه و وه عمل هاکرده و هشت ماه فیزیوتراپی شی‌یه ولی فدراسیون نهایتاً تصمیم بیته یزدانی ره پاریس بَوره و قاسمپور ره کنار دینگونه. این دور دیوید تیلور که حسن رقیب بی‌یه، آمریکا دله انتخابیِ مسابقه ره اتا تازه‌جوون جه بباخته و وه ره آمریکایی‌شون المپیک نیاردنه. حسن یزدانی ۸ آگوست میدون بورده و تا نیمه‌نهایی همه ره بنه بزو و ناظم امینه ره بَورده په، فینال رمضان رمضانوف بلغار جه دکته. وه فینال-شو شه دست راست ره دماسته و باته بتونده کشتی بیره، ولی بااین‌چنین تا آخر کشتی ره سر هاکرده و ۷-۱ بباخته و نقره مدال ره بیته. تیم ملیِ دؤکتؤر بباخته په، باته حسن یزدانی بال‌په ات‌که درد داشته، ولی بلغار کشتی‌گیر ونه بال ره ضربه بزو و درهاکرده و وه پیش از بازی اینتی مشکل نداشته و کا دله پنج دفعه ونه بال دربورده. ولی هادی عامل که بازی ره زنده گزارش کرده، گته وه پیش از بازی هم مصدوم بی‌یه و شو-تا-صوی ونه دست یخ‌ئو دله دیّه و علیرضا دبیر دونسته و مه خوری بائوت بی‌یه ولی چون نخاستمه ونه حریفون گوش برسه، نائوتمی.

بِریمْ بگردستن

• ونه رسمی پروفایل
• ونه اینستاگرام رسمی