Yagurte
![](http://upload.wikimedia.org/wikipedia/commons/thumb/7/7a/Yasuda_yogurt_150ml.jpg/250px-Yasuda_yogurt_150ml.jpg)
![](http://upload.wikimedia.org/wikipedia/commons/thumb/b/b8/Joghurt.jpg/250px-Joghurt.jpg)
L iogurte (de l turco yoğurt, pronúncia [jɔˈurt], de l'adjetibo yoğun, "denso" ó "tornar denso") ye ua forma de lheite an que l açúcar (la lhatose) fui trasformado an ácido lhático, por fermentaçon bateriana. Ye un lhíquido spesso, branco i lhebemente ácido, muito nutritibo, por essa rezon, muitas bezes ye serbido i mesmo bendido misturado cun fruitas, choclate ó outro tipo de adoçante.
L'iogurte ye un alimiento que ten ourige ne ls Balcanas i, tal cumo outros perdutos deribados de l lheite fermentado, cumo l lheben árabe, l koumis russo, l jugurt turco ó l kefir caucasiano, remontan hai miles d'anhos.
Inda assi, la sue comercializaçon tubo ampeço a partir de la custataçon feita pul médico russo Eilya Ilyich Mechnikob, premiado cul Nobel de la Fesiologie ó Medecina an 1908.
L'iogurte para alhá de poder oumentar la lhongebidade, ten outras benéficas propiadades nutricionales, grácias als furmientos lháteos, cumo l Lhatobacillus bulgaricus i l Stretococus thermophilus, als quales se juntan l lheite, depuis d'homogeneizado i pasteurizado. Debido al fato de ser oubtido mediante fermentaçon lhátea, l'iogurte ye mui fácele de digerir, l que l torna l perduto eideal para pessonas cun porblemas gastrointestinales. Assi i to, nun se sgotan eiqui ls benefícios deste alimiento. Por eisemplo l sou cunsumo regula l sistema eimunológico, sin squecer que se trata dua eicelente fuonte de cálcio i, cumo tal, la sue angeston ye ua fuonte d'ajuda ne l crecimiento de las ninos. Ls lhatobacilos (batérias persentes ne l lheite) eisecutan la funçon lhática, an que l perduto final ye l ácido lhático. Para esso eilhes outelizan, cumo punto de partida, la lhatose, l'açúcar de l lheite. L sabor azedo de l lheite fermentado debe-se al ácido lhático formado i eliminado puls lhatobacilos. L'abaixamiento de l pH (oumiento d'acideç) causado pul ácido lhático proboca la coagulaçon de las proteínas de l lheite i la formaçon de l coalho, ousado na fabricaçon de queisos i iogurtes.
Caratelísticas de l'iogurte
[eiditar | eiditar código-fuonte]- Ls iogurtes apersentan-se cun cunsisténcia pastosa;[1]
- Sou gusto i odor son acidulados;[1]
- Apersentan ácido lhático na proporçon de 0,5 a 1,5%;[1]
- Sou teor de álcol debe ser menor que 0,25%;[1]
- Persença de germes de la flora normal cun bitalidade;[1]
- Auséncia de patógenos, ampurezas, coliformes i outros cumponentes stranhos.[1]
Classeficaçon
[eiditar | eiditar código-fuonte]- Quanto al porcesso de fabricaçon
- Iogurte tradecional - adonde la fermentaçon ocorre drento de las ambalaiges;
- Iogurte batido - la fermentaçon ocorre an dornas i mais tarde l'iogurte ye ambalado;
- Quanto als angredientes
- Iogurte natural - feito solo de lheite i microrganismos fermentadores.
- Iogurte cun fruitas - cun polpas i pedaços de fruitas.
- Iogurte cun aromas - persença d'aromatizantes.
- Quanto al teor de gordura
- Iogurte antegral - nun hai nanhue altaraçon na cantidade de gordura ouriginal de l lheite
- Iogurte semi-znatado - mais ralo, hai ua retirada seneficatiba na cantidade de nata
- Iogurte znatado - l lheite ye znatado, antes de ser inoculado
Cunsumo
[eiditar | eiditar código-fuonte]Ne l Brasil, l tipo d'iogurte mais cunsumido ye l de l tipo batido cun polpa de morangano. Anque de l'oumiento custante de sou cunsumo, inda esta relaçon ye çcreta an relaçones a outros países mais zambolbidos. Giralmente, son cunsumidos pulas sues caratelísticas de sabor i nun pul potencial eifeito benéfico nutricional ó terapéutico.[1]