Arsenio González Álvarez
| Arsenio González Álvarez | |
|---|---|
 | |
| Nacimiento | 28 de janeiro de 1931 Perchera, Xixón, Stúrias, Spanha |
| Muorte | 18 de outubre de 2017 (86 anhos) Xixón, Stúrias, Spanha |
| Nacionalidade | spanhol |
| Acupaçon | Ator i dramaturgo |
Arsenio González Álvarez (Perchera, Xixón, 28 de janeiro de 1931 — Xixón, 18 de outubre de 2017) fui un ator de triato i dramaturgo sturiano.
Ampeçou l sou oufício cumo ator na Sala Buenos Aires an 1951,[1] cul grupo de triato Hogar de Pumarín, i al lhargo de la sue carreira partecipou an bárias cumpanhies cumo la de Rafael Sánchez, l Grupo Talía de Tremañes i Llorea i l Grupo Esquilo de l Agrupamiento Artístico de Xixón. Fui un de ls artífices coincidos de l triato de questumes sturianas i de la recuperaçon an 1986, de la Cumpanhie Sturiana de Quemédias,[2] tenendo bencido bários prémios i cunquistado recoincimientos.[3]
Fui un de ls más coincidos atores sturianos na fin de l seclo XX i ampeço de l seclo XXI, pula sue anterpretaçon ne ls papeles caratelísticos, junto cun José Manuel Rodríguez.[4] An 2014 recebiu la chabe de comemoraçon de la Sociadade Giral de Outores i Eiditores an recoincimiento puls sous cinquenta anhos de parcerie.[5]
Muorriu bítima de leucemia ne l die 18 de outubre de 2017 an Xixón, als uitenta i seis anhos.[6]
Biografie
[eiditar | eiditar código-fuonte]Anque González nó se cunsidraba cumo outor,[7] ls sous testos son parte de l patrimonho dramático sturiano.[4] Screbiu bárias obras de génaro dramático de questumes sturianas, antre quemédias an trés atos (Asturias patria querida, Hay otros güeyos, La trastá, El tramposu/El boleru de Chano, El tratu de Chiripa, Xiga, el Repe, Y orbayando...) i sainetes (Los figos de San Miguel, Güela por necesidá, La declaración), acolhá de smasiadas stampas i quadros cómicos (¿Quién manda en casa?, La ludópata, La vieyera, Los décimos i El recateo).[1]
La Academie de la Lhéngua Sturiana rializou l salimiento an 1997 na sue coleçon "Mázcara", de l belume Tres comedies que amostra trés obras de Arsenio González: El boleru de Chano, La Declaración i Los figos de San Miguel.[8]
An 2008, l Grémio de Eiditores de las Stúrias i la Federaçon de Grupos de Triato Amador de l Percipado de las Stúrias (FETEAS) publicórun l títalo Teatro en Asturiano, adonde ancluiu la quemédia oureginal an trés atos de González Hay otros güeyos.[9]
Delantre destas obras hai que çtacar La Trastá[10] (strenada an 1963) i El tramposu[11] (strenada pula Cumpanhie Sturiana de Quemédias an 2009), cumo eisemplos de la recuperaçon de las formas clássicas de l triato de questumes sturianas na atualidade.
L sainete Los figos de San Miguel (que junto a La declaración tamien sue, i Pitición de mano, de Antón de la Braña, repersentou l retorno de la Cumpanhie Sturiana de Quemédias an 1986, pula direçon de Eladio Sánchez), cun más de 125 repersentaçones zde antoce,[7] i de acuordo cun Xosé Bolado García, ye un de ls triunfos deste tipo de triato de questumes sturianas.[12]
Filmografie
[eiditar | eiditar código-fuonte]- Xicu'l toperu
- La neña los mios güeyos
- 7337
- Puntu
- Carne de Gallina
Refréncias
- ↑ 1,0 1,1 «Arsenio González» (an spanhol). Cumpanhie Sturiana de Quemédias. Cunsultado an 19 de febreiro de 2018
- ↑ «Morrió l'actor Arsenio González, símbolu del teatru asturianu» (an sturiano). Europa Press. 19 de outubre de 2017
- ↑ Argüelles, J. L. (19 de outubre de 2017). «Fallece Arsenio González, la gran "sonrisa" del teatro costumbrista». La Nueva España (an spanhol)
- ↑ 4,0 4,1 «Arsenio González». La ratonera: Revista asturiana de teatro (an spanhol) (17). 113 páiginas. Maio de 2006. Cópia arquibada an 23 de agosto de 2007
- ↑ «La SGAE lamenta la pérdida de su socio Arsenio González» (an spanhol). Sociadade Giral de Outores i Eiditores. 19 de outubre de 2017
- ↑ Moro, M. (19 de outubre de 2017). «Fallece a los 86 años el dramaturgo y actor Arsenio González». El Comercio (an spanhol)
- ↑ 7,0 7,1 Neira, José (2013). «Entrevista a Arsenio González: "Soy más actor que autor"». La ratonera: Revista asturiana de teatro (an spanhol) (37): 114-120. Cópia arquibada an 14 de júnio de 2016
- ↑ «Mázcara» (an sturiano). Academie de la Lhéngua Sturiana. Cunsultado an 19 de febreiro de 2018
- ↑ «Textos dramáticos» (an spanhol). Federaçon de Associaçones de Triato de l Percipado de las Stúrias. Cunsultado an 19 de febreiro de 2018
- ↑ «2009 La Trastá. Obra completa». Cumpanhie Sturiana de Quemédias (an sturiano). YouTube. 21 de abril de 2015
- ↑ «2007 El tramposu. Obra completa». Cumpanhie Sturiana de Quemédias (an sturiano). YouTube. 21 de abril de 2015
- ↑ Corrada, Miguel Ramos (2002). «El Surdimientu: El Teatru». In: Xosé Bolado García. Historia de la lliteratura asturiana (an sturiano). Uviéu: Academie de la Lhéngua Sturiana. p. 708. ISBN 978-84-8168-335-6