Knisja Katidrali ta' Għawdex
![]() |
Dan l-artiklu dwar l-arkitettura huwa nebbieta. Jekk trid, tista' tikkontribwixxi issa biex ittejjeb dan l-artiklu, dejjem skont il-konvenzjonijiet tal-Wikipedija. |
![](http://upload.wikimedia.org/wikipedia/commons/thumb/0/06/Cathedral_Victoria_Gozo_Malta.jpg/200px-Cathedral_Victoria_Gozo_Malta.jpg)
Il-Katidral ta' Għawdex huwa l-ogħla knisja fil-gżira ta’ Għawdex u s-sede uffiċċjali tal-Isqof ta’ Għawdex, hekk kif promulgat mill-Papa Piju IX fl-1864. Il-Katidral preżenti jinsab fil-belt iffortifikata taċ-Ċittadella, u nbena fuq pjanta tal-arkitett Malti Lorenzo Gafà bejn l-1697 u l-1711. Hi t-tieni knisja f'Għawdex mibnija fil-forma ta' salib Latin wara dik ta' San Ġorġ fl-1678. Qabel il-bini preżenti kien hemm knisja oħra li ġġarrfet f’terremot qalil fl-1693. L-istoriku Agius de Soldanis jgħid li xi ħadd kien qallu li waqt it-tħaffir għall-pedamenti tal-Katidral preżenti nstabu fdalijiet ta’ dak li jingħad li kien tempju Ruman iddedikat lill-alla Ġunone.
Il-Katidral iservi wkoll ta’ waħda miż-żewġ parroċċi prinċipali tal-Belt Victoria, dik ta' San Ġorġ Martri u din tal-Assunzjoni ta' Marija. Il-Katidral hu kkunsidrat minn bosta bħala l-Knisja Ewlenija u Omm il-Knejjes tal-gżira, għalkemm is-suġġett għadu kontroversjali sal-lum. Fl-1991, il-Papa Ġwanni Pawlu II sar l-ewwel kap tal-Knisja Kattolika Rumana li għamel żjara uffiċċjali fil-Knisja Katidrali.
Preżentament, l-Isqof fil-kariga huwa l-E.T. Mons. Anton Teuma, filwaqt li l-Arċipriet huwa l-Mons. Ġużeppi Attard. L-Arċidjaknu tal-Kapitlu Katidrali huwa l-Mons. Giovanni Bosco Gauci. Nhar l-14 t'Awwissu 2011, il-knisja tkun qed tiċċelebra t-300 sena anniversarju mill-ftuħ tagħha.