Япон макака
Япон макака[1] | ||||||||||||||
---|---|---|---|---|---|---|---|---|---|---|---|---|---|---|
Ховордолтын зэрэглэл | ||||||||||||||
Биологийн ангилал | ||||||||||||||
| ||||||||||||||
Латин нэр | ||||||||||||||
Macaca fuscata Блит, 1875 |
Япон макака (Латин: Macaca fuscata) буюу цасны сармагчин нь нарийн хамартны овогт багтах нэгэн зүйл сармагчин бөгөөд Японы нутагт тархсан байдаг. Энэ нь хүнийг эс тооцвол хамгийн хойд хэсэгт, туйлд хамгийн ойрхон амьдардаг примат болно. Бор саарал арьстай, нүүр, гар, бөгс нь улаан өнгөтэй, богино сүүлтэй байдаг. Энэ зүйлийн макаканы 2 дэд зүйл байдаг:[1]
- Macaca fuscata fuscata
- Якүшимагийн макака, Macaca fuscata yakui
Амьдрах орчин, идэш тэжээл
[засварлах | кодоор засварлах]Өдрийн цагаар идэвхтэй байдаг амьтан бөгөөд ихэнх амьдралаа ойд өнгөрүүлнэ. Халуун орны, уулын, навчит, шилмүүст, холимог ойд, далайн түвшнээс дээш 1500 хүртэлх метрийн өндөрт тархсан байдаг. Ургамлын үр, үндэс, навч, жимс, шувууны өндөг зэргээр хооллоно. 79 - 95 см өндөртэй, сүүл нь 10 см орчим урттай. Нас бие гүйцсэн эрэгчин нь 10 - 14 кг, эмэгчин нь 5.5 кг жинтэй байдаг.
![](http://upload.wikimedia.org/wikipedia/commons/thumb/8/8c/Jigokudani_hotspring_in_Nagano_Japan_001.jpg/225px-Jigokudani_hotspring_in_Nagano_Japan_001.jpg)
Япон макака нь Японы Хоншү арлын уулархаг нутгуудаар тархсан. Амьдардаг нутгуудаар нь өвөлдөө -15 °C хүртэл хүйтэрдэг.
Нийгмийн байгуулал, үржил
[засварлах | кодоор засварлах]Япон макака нь 20-100 толгой бүхий сүргээр амьдарна. Сүрэгт цөөн тооны эрэгчин, олон эмэгчин байна. Сүргийн нэг эрэгчинд дунджаар 3 эмэгчин ноогддог. Залуу эмэгчнүүд нь эхийнхээ зиндааг өвлөж үлддэг аж.
Эмэгчнүүд нь үржлийн үед дунджаар 10 орчим эрэгчинтэй бэлгийн харилцаанд орох боловч дөнгөж гуравны нэг нь л эр бэлгийн эсээ эмэгчний үтрээнд үлдээж чаддаг байна. Тэд жилийн турш хавьталд орох боловч зөвхөн үржлийн үедээ л жирэмсэлдэг.
173 хоног тээгээд, 500 г орчим жинтэй 1 моньш төрүүлнэ. Япон макака нь ойролцоогоор 30 насалдаг.
Бусад шинж чанарууд
[засварлах | кодоор засварлах]Япон макака нь маш ухаантай амьтан юм. Хүн, илбэнхээс гадна япон макака л хоолоо идэхээсээ өмнө угаадаг байна.
Зургийн цомог
[засварлах | кодоор засварлах]-
Милуокигийн амьтны хүрээлэн дэх хос япон макака.
-
Унтаж буй япон макака. Канба хүрхрээ.
Эшлэл
[засварлах | кодоор засварлах]- ↑ 1.0 1.1 Загвар:MSW3 Groves
- ↑ Watanabe, K & Tokita, K. (2008). Macaca fuscata. IUCN 2008. IUCN ховордсон зүйлүүдийн улаан ном. 4 January 2009-д авсан.
- "Macaca fuscata". Integrated Taxonomic Information System.
Гадаад холбоосууд
[засварлах | кодоор засварлах]![]() |
Викизүйлд Japanese Macaque-тай холбоотой мэдээлэл байна. |
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)