Дагуур галсүүлт

Дагуур галсүүлт
	; Нас бие гүйцсэн эрэгчин P. a auroreus
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Боршувуутан;
Овог:	Намнаахайнхан;
Төрөл:	Phoenicurus, Галсүүлт;
Зүйл:	P. auroreus;
Латин нэр
	Phoenicurus auroreus; (Pallas, 1776)

Дагуур галсүүлт (Phoenicurus auroreus), урьд Хөх зарлагат гал сүүлт гэж байсан, нь Намнаахайнхан овгийн шувуу юм. Тэд Азийн сэрүүн бүсэд амьдарна.

Гадаад төрх

Үржлийн улиралд эрэгчин галсүүлтийн толгойн орой, дагз нь саарал, эрүү, нүүр нь хар, бордуу далавчиндаа том цагаан толботой байна. Цээж, ууц нь улбар шар, мөн хар сүүлнийх нь хоёр хажуу улбар шар юм. Биеийн урт 13 см.

Эмэгчин нь бор нуруу, цайвар гэдэс хэвэлтэй. Сүүлний хажуу тал, ууц нь улбар шар, далавчиндаа том цагаан толботой. Хошуу, нүд, хөл, сарвуу нь эрэгчин, эмэгчин ялгаагүй хар байна.

Дагуур галсүүлтийн 2 дэд зүйл бий. Дорнын P. a. auroreus ба өрнийн P. a. leucopterus юм.

Тархалт

Энэхүү шувуу нь зүүн Азид элбэг таарна. Монголоос Гималай хүртэл нутаглах ба P. a. auroreus нь Солонгос, Япон, Тайвань, Хятадын зүүн өмнөд эргээр өвөлжиж, P. a. leucopterus нь Энэтхэг зэрэг улсруу нүүдэллэдэг.

Дагуур галсүүлт задгай модот газар, ойн зах, тариан талбай болон цэцэрлэгт хүрээлэнд амьдарна.

Цахим холбоос

Commons: Phoenicurus auroreus – Викимедиа дуу дүрсний сан