ഇലഞ്ഞി

ഇംഗ്ലീഷ് വിലാസം

https://ml.wikipedia.org/wiki/Mimusops_elengi

ഇലഞ്ഞി
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Magnoliophyta
Class:	Magnoliopsida
Order:	Ebenales
Family:	Sapotaceae
Genus:	Mimusops
Species:	M. elengi
Binomial name
Mimusops elengi L.
Synonyms
കബികി, ബൌള, Spanish cherry Imbricaria perroudii Montrouz. Kaukenia elengi (L.) Kuntze Kaukenia javensis (Burck) Kuntze Kaukenia timorensis (Burck) Kuntze Magnolia xerophila P.Parm. Manilkara parvifolia (R.Br.) Dubard Mimusops elengi var. parvifolia (R.Br.) H.J.Lam Mimusops erythroxylon Llanos ex Fern.-Vill. [Illegitimate] Mimusops javensis Burck Mimusops latericia Elmer Mimusops lucida Poir. Mimusops parvifolia R.Br. Mimusops timorensis Burck

ഇന്ത്യൻ ഉപഭൂഖണ്ഡത്തിൽ കണ്ടുവരുന്ന ഒരു വൃക്ഷമാണ്‌ ഇലഞ്ഞി (ശാസ്ത്രീയനാമം: Mimosops Elengi). ഉഷ്ണമേഖലയിൽ കാണപ്പെടുന്ന ഇലഞ്ഞി 20 മീറ്ററിലധികം ഉയരത്തിൽ പടർന്ന ശിഖരങ്ങളോടുകൂടിയ വൃക്ഷമാണ്. അനിഴം നാളുകാരുടെ ജന്മനക്ഷത്ര വൃക്ഷംആണു് ഇലഞ്ഞി. ഇതിന്റെ പഴം ഭക്ഷ്യയോഗ്യമാണ്. വിത്ത്‌ പാകിയും, കമ്പ് കുത്തി പിടിപ്പിച്ചും, വായുവിൽ പതി വെച്ചും പുതിയ തൈകൾ ഉത്പാദിപ്പിക്കുന്നു.

വിവരണം

പൂക്കൾക്ക് ഇളം മഞ്ഞ നിറവും, പ്രത്യേക ഗന്ധവുമുണ്ട്, കായ്കൾ 2 സെ. മി നീളവും 1 സെ.മി വീതിയുമുള്ളതാണ്. പഴുത്തുകഴിഞ്ഞാൽ മഞ്ഞയോ ചുവപ്പോ നിറത്തിൽ കാണുന്നു. പഴുത്ത ഇലഞ്ഞി കായകൾക്ക് ചവർപ്പു കലർന്ന മധുരമാണ്. പൂക്കൾ കുലകളായാണ്‌ ഉണ്ടാകുന്നതു്. വീട്ടുവളപ്പിൽ നടാവുന്ന പൂമരമാണെന്ന് വരാഹമിഹിരൻ ബ്രഹ്മസംഹിതയിൽ പറഞ്ഞിട്ടുണ്ട്. ഇതിന്റെ ഫലം മൂപ്പെത്താൻ 6 മുതൽ 8 മാസം വരെയെടുക്കും.

ഔഷധ ഉപയോഗങ്ങൾ

ആയുർവ്വേദത്തിൽ ഇലഞ്ഞിയുടെ തൊലിയിൽ നിന്ന് നിർമ്മിക്കുന്ന കഷായം മുഖരോഗങ്ങളുടെ ചികിത്സയ്ക്ക് ഉപയോഗിച്ചിരുന്നു. ഇലയും തോലും ചെറിയ കൊമ്പുകളും ദന്തശുചീകരണത്തിന് ഉപയോഗിച്ചിരുന്നു.. ദന്തരോഗത്തിനും വായ്‌നാറ്റത്തിനും ഇലഞ്ഞി നല്ല ഔഷധമാണ്. ഇലഞ്ഞി കായ്കളിൽ നിന്ന് ശാസ്ത്രീയമായി വേർതിരിച്ചെടുത്ത 2,3-dihyro-3,3’4’5,7-pentahydroxy flavone C15H10O7 ഉം 3,3’,4’,5,7-pentahydroxy flavone C15H12O7 എന്ന ഫ്ലേവോൺ തന്മാത്രകൾക്ക് ബാക്റ്റീരിയകളെയും വൈറസ്സുകളെയും ചെറുക്കുവാനുള്ള കഴിവുണ്ടെന്ന് തെളിയിക്കപ്പെട്ടിട്ടുണ്ട്. . വിത്തിൽ നിന്നും കിട്ടുന്ന എണ്ണ പണ്ട് ആഹാരം പാകം ചെയ്യാൻ ഉപയോഗിച്ചിരുന്നു.

മറ്റു പേരുകൾ

എരിഞ്ഞി, ബകുളം, ഇലന്നി, മുകുര.

ചിത്രശാല

• 
  ഇലഞ്ഞി
• 
  ഇലഞ്ഞി
• 
  ഇലഞ്ഞിപ്പൂക്കൾ
• 
  ഇലഞ്ഞിപ്പൂവ്‌
• 
  ഇലഞ്ഞിയില
• 
  ഇലഞ്ഞി
• 
  ഇലഞ്ഞി കായ
• 
  ഇലഞ്ഞി കായ
• 
  ഇലഞ്ഞി വിത്ത്
• 
  ഇലഞ്ഞി, തൃശ്ശൂരിൽ
• 
  ഇലഞ്ഞി -
• 
  ഇലഞ്ഞിമരം

പുറത്തേക്കുള്ള കണ്ണികൾ

• യുണൈറ്റഡ് സ്റ്റേറ്റ്സ് കൃഷി വകുപ്പ്
• കൂടുതൽ വിവരവും കാണുന്ന ഇടങ്ങളും Archived 2021-08-31 at the Wayback Machine.
• http://www.biotik.org/india/species/m/mimuelen/mimuelen_en.html Archived 2013-01-26 at the Wayback Machine.