Muggle
Muggle множински Muggles e поим од Хари Потер серијалот книги од Џ. К. Роулинг кој се користи за обраќање на ликовите од неволшебничко потекло, кои не поседуваат магични способности ниту се запознаени со волшебничкиот свет. Поимот се разликува од поимот Squib кој се однесува на ликови од волшебничко потекло, но кои немаат никакви вродени магични способности. Зборот се појавува во народната култура и литература и пред да биде посвоен од Роулинг. Сепак, Хари Потер серијалот го популизира зборот со што веќе се користи и во други контексти.
Според Роулинг, зборот е изведен од зборот mug, англиски термин за личност која лесно може да се измами и излаже, со додавање на наставката gle, со цел да звучи помалку понижувачки а „помило“.[1] Пред популаризирање на поимот од страна на Роулинг, се смета дека поимот бил помалку застапен во државите од англиско говорно подрачје, а се користел за опишување на луѓе со недостаток на одреден талент, но и како сленг за дрога. Како и да е, во 2003 зборот е официјално вметнат во Оксфордскиот англиски речник со значење - човек кому му недостасува одредена вештина.[2]
Благородна Богоеска-Анчевска и Оливер Јордановски, преведувачите на првите пет книги на македонски јазик публикувани од книгоиздавателството Култура зборот Muggle го преведуваат како шушумига, збор од бугарско потекло со значење приглупава, неталентирана личност.[3] Додека преведувачот на шестата книга, Лавинија Шувака, издадена од издачката куќа Матица македонска, зборот го преведува како нормален, најверојатно поради српскиот превод на терминот, нормалец. Бидејќи ниту еден од двата преоводи не е општоприфатен, помеѓу обожавателите и читателите најчесто се користи терминот неволшебник.
Наводи
[уреди | уреди извор]- ↑ „JK Rowling's World Book Day Chat, March 4, 2004“. accio-quote.org. Посетено на 5 декември 2010.
- ↑ „BBC: 'Muggle' goes into Oxford English Dictionary“. 2003-03-24. Посетено на 2010-01-05.
- ↑ makedonski.info http://www.makedonski.info/?search=%D1%88%D1%83%D1%88%D1%83%D0%BC%D0%B8%D0%B3%D0%B0. Посетено на 5 декември 2010. Отсутно или празно
|title=
(help)
|