Шпицбершки Острови

Шпицбершки Острови
Знаме Грб
Местоположба на Шпицбершки Острови
Главен град (и најголем)		Лонгјир
Службен јазик		Норвешки
Народности		72% Норвежани 16% Руси / Украинци 12% други
Површина
•	Вкупна	61,022 км2
Население
•	проценка за 2012 г.	2,642
Валута		Норвешка круна (NOK)
Часовен појас		CET (UTC+1)
•	(ЛСВ)	CEST (UTC+2)
НДД		.no
Повик. бр.		+47

Шпицбершките Острови или Свалбард се група на острови во Северноледениот Океан, околу 635 км северно од Норвешка, а североисточно од Гренланд. Зафаќаат површина од 62,422 км², а имаат околу 4,500 жители (главно Норвежани и Руси). Главно место е Лонгјир, важно пристаниште. Останати гратчиња се Грин Харбор и Нов Олесунд. Најголеми острови се Западен Шпицберген и Североисточниот Остров. Климата е арктичка, ублажена со топлата Голфска струја. Средната зимска температура е околу -18°С, а летната околу 6°С. Островите се претежно планински, а најголем врв е Њутновиот Врв, висок 1,717 m; се наоѓаат под многубројни ледници, длабоки фјордови. Богати се со камен јаглен. Од животните ги има белите мечки, ирвасите и поларните лисици.

Со Шпицбершкиот договор од 1920 година е призната сувереноста на Норвешка над архипелагот, кој од 1925 година станува составен дел од Норвешка.