Храм на Артемида во Ефес
![](http://upload.wikimedia.org/wikipedia/commons/thumb/f/f3/Templo-Artemisa-Efeso-2017.jpg/220px-Templo-Artemisa-Efeso-2017.jpg)
Храмот на Артемида во Ефес бил еден од Седумте светски чуда. За зградата, Филон Византиски напишал - "Сум ги видел Семирамидините висечки градини, статуата на Зевс Олимписки, Колосот од Родос, Пирамидите и храмот на Мавзол, но кога го видов Храмот во Ефес колку се поврзува во облаците, сите други доживувања станаа незабележни ".
Историјата на едно од светските чуда во античка Македонија
[уреди | уреди извор]![](http://upload.wikimedia.org/wikipedia/commons/thumb/a/a9/Temple_of_Artemis.jpg/300px-Temple_of_Artemis.jpg)
Храмот на Артемида во Ефес бил храм посветен на божицата Артемида. Самиот храм бил изграден околу 550 година п.н.е. Денеска од храмот може да се видат само остатоците од темелите. Храмот се наоѓал на околу 50 километри од денешниот турски град Измир. Иако темелот на храмот бил започнат уште во VII век п.н.е. целосно бил завршен во 550 година. Парични и материјални средства за градењето на храмот издвоил кралот Крез, а храмот бил проектиран од страна на архитектот Херосифрон. Храмот бил украсен од бронзена статуа која ја изградиле најголемите уметници во тоа време- Фидиј, Поликлеит, Кресила и Фрадмон.
Храмот служел за религиозни цели. Храмот во текот на своето постоење бил посетуван од страна на голем број трговци, туристи, уметници и кралеви кои со доаѓањето оддавале почит на божицата. Според неодамнешните археолошки ископувања на храмот биле откриени многу дарови кои биле давани од страна на посетителите кои доаѓале дури и од Персија и Индија сè со цел да ја согледаат нејзината убавина. Во ноќта на 21 јули 356 година п.н.е., човекот чие име му е Херостратус, во намера да се прослави и неговото име да влезе во историјата го запалил храмот, кој пак изгорел до темел. Таа ноќ се родил и Александар Македонски. За овој настан познатиот историчар од античко време Плутарх забележил дека божицата не била во храмот таа ноќ бидејќи присуствувала на раѓањето на идниот најголем војсководец, па и затоа не можела да го спаси храмот од пожарот од кој бил зафатен. Самиот храм бил обновен со помош на Александар Македонски кој веќе ја освоил за тоа време цела Мала Азија.
Кога Апастол Павле во I век го посетил Ефес се со намера да го шири христијанството, се соочил со самиот мит за божицата Артемида и нејзиниот храм. Кога Готите во 262 година го разрушиле повторно храмот, жителите на Ефес настојувале да храмот повторно го обноват. Но до IV век повеќе од жителите го прифатиле христијанството и храмот го изгубил своето значење. Последно нешто кое е врзано со историјата на овој храм е од 401 година кога го срушил Свети Јован Хризост. Подоцна кога Ефес бил напуштен, археолошките ископувања започнале во XIX век. Со ископувањата се откриени темелите на храмот.
Надворешни врски
[уреди | уреди извор]- Храм на Артемида Британски музеј, фрагменти (англиски)
|