Референдум за задржување на СССР

Референдумот за задржување на СССР, одржан на 17 март 1991, е референдум одржан во поранешниот Советски Сојуз со цел да се потврди желбата на советското население да се задржи Советскиот Сојуз како една обединета федерација. Иако референдумот бил бојкотиран во Ерменија, Естонија, Грузија, Латвија, Литванија и Молдавија, референдумот достигнал излезност од 80,03% и завршил со резулат од 77,85% за и 22,15% против задржувањето на СССР. Овој референдум бил единствениот одржан референдум во Советскиот Сојуз пред распадот во 1991.

Преглед

На 24 Декември 1990, по иницијатива на тогашниот претседател Михаил Горбачов, биле одржани референдуми за приватен посед на земјиште и зачувување на федеративниот сојузот од рамноправни социјалистички републики.

За референдумот се земале предвид следниве прашања:

• Дали го сметате за неопходно зачувувањето на Совтскиот Сојуз како обновена федерација од рамноправни републики со обезбедени права и слободи за сите независно од националитет? (да/не)
• Дали го сметате за неопходно зачувувањето на СССР како една држава? (да/не)
• Дали го сметате за неопходно зачувувањето на социјалистичкиот систем во СССР? (да/не)
• Дали го сметате за неопходно зачувувањето на советската власт во СССР? (да/не)
• Дали го сметате за неопходно обезбедубањето на човековите права и слободи безразлика од националност? (да/не)

На 16 Јануари 1991, Врховниот Совет на СССР ја донел одлуката да одржи референдум на 17 март 1991 за зачувување на Советскиот Сојуз.

Резултати

Избор	Гласови	%
За	113.512.812	77,8
Против	32.303.977	22,2
Невалидни гласови	2.757.817	–
Вкупно	148.574.606	100
Излезност	185.647.355	80,0
Извор: Nohlen & Stöver