Пансион
Пансион (од француски: pension , од латински: pensio = плаќање, исплатување, изнајмување, изнајмување) – куќа, објект што нуди полна услуга (сместување и храна).[1] Пансионот е како хотел, а единствената голема разлика со хотелот е тоа што пансионите обезбедуваат угостителски услуги само на своите гости.
Исто така, пансион може да значи дом, воспитна установа во кој живеат и се хранат ученици, студенти, гости под постојан надзор на воспитувачи или лица што пружаат нега.[1]
Во хотелски жаргон е услуга која покрај ноќевање вклучува појадок, ручек и вечера, наспроти полупансион, каде што со ноќевањето се нуди појадок и вечера.[1]
Одлики
[уреди | уреди извор]Покрај сите горенаведени одлики, пансионите обично се помали и поскромно опремени од хотелите. Тие биле создадени како начин за прилагодување на хотелиерите за гостите кои немале толку многу пари. Тие се градат насекаде каде има потенцијални клиенти, од големи градови до изолирани туристички места.
Како и хотелите, тие се категоризираат, во зависност од опремата и нивото на услуга што ја обезбедуваат, обично во три категории (ѕвездички) , но зависи од законите на секоја земја и не е ист насекаде (во некои држави има и со петта категорија).
Извори
[уреди | уреди извор]Надворешни врски
[уреди | уреди извор] |
„Пансион“ на Ризницата ? |