Олимписки пламен
![](http://upload.wikimedia.org/wikipedia/mk/7/76/%D0%9E%D0%BB%D0%B8%D0%BC%D0%BF%D0%B8%D1%81%D0%BA%D0%B8_%D0%BE%D0%B3%D0%B0%D0%BD_%D0%91%D0%B5%D1%80%D0%BB%D0%B8%D0%BD_%D1%81%D1%80%D0%BF%D1%81%D0%BA%D0%B0%D0%B2%D0%B8%D0%BA%D0%B8.jpg)
Олимпискиот пламен е еден од најпознатите олимписки знаци. Симбол на вечниот оган, односно пламен, потекнува од Старогрчката митологија во која е познатата приказна за Прометеј кој му го украл огнот на богот Зевс, па потоа им го подарил на луѓето. Тој мотив грците го искористиле па за време на древните Олимписки игри секогаш го одржувале вечниот оган.
На модерните олимписки игри пламенот за првпат бил запален на IX Олимписки игри во Амстердам во 1928, а начинот за штафетното пренесување на факел бил воведен во склоп на подготовките и отворањето на XI Олимписки игри во Берлин, во 1936 година.
Во истата година факелот за 8 дена помина од Олимпија до Берлин од 3422 километри а факелот го носеле 3422 тркачи. Карл Дим ја смислил идејата Олимпискиот пламен да се донесе од Олимпија до Берлин со штафета.