Десна (притока на Днепар)
Десна Десна Десна | |
---|---|
![]() | |
![]() Сливниот басен на Днепар и Десна. | |
Местоположба | |
Држава | Русија |
Физички особености | |
Устие | |
• место | Близу Киев |
Должина | 1.130 км |
Особености на сливот | |
Градови | Брјанск |
Десна (руски: Десна; украински: Десна) — руско-украинска река, лева притока на Днепар (дел од Црноморскиот Басен).
Потекло на поимот
[уреди | уреди извор]Името на реката потекнува од старословенскиот збор дєснъ што значи десно, односно река која во Днепар се влева од десна страна, гледајќи спроти текот на Днепар.[1]
Карактеристике
[уреди | уреди извор]![](http://upload.wikimedia.org/wikipedia/commons/thumb/e/ef/Desna_river_in_Yelnya.jpg/200px-Desna_river_in_Yelnya.jpg)
Десна извира во мочурливото подрачје Голубји Мох, недалеку од градот Јелња на смоленското ридско подрачје. Протекува преку територијата на Смоленската и Брјанската Област во Русија и Чернигивската, Сумската и Киевската Област во Украина.
Реката е долга 1.130 км, а површината на сливот изнесува 88.900 [[км2]]. Во горниот дел на текот, бреговите се доста ниски и мочурливи, а до значајно издигање на десниот брег доаѓа низводно од Брјанск. Во Украина, ширината на реката варира од 60 до 250 м, со просечна длабочина од 3 метри. Средниот годишен проток на вода на устието е околу 360 [[м3/с]]. Реката замрзнува од почетокот на декември до почетокот на април. Пловна е во должина од 535 км, низводно од градот Новгород Сиверски, иако пристап на помали пловила е можно и над Брјанск.
Откако реката Сејм ќе се влее во Десна, близу руско-украинската граница, таа се шири и се дели на повеќе мали ракавци. Бреговите повторно стануваат ниски (особено кај градот Чернигов) и мочурливи. Се влева во Днепар недалеку од Киев.
Од најстари времиња Десна служела како важна трговска сообраќајница која го поврзувала Киев и околината со басенот на Дон и Ока.
Во горниот дел на текот на реката, кај градот Десногорск, коритото на реката е преградено и направено е големо вештачко Десногорско Езеро со површина од 44 км2. Езерото е изградено за потребите за ладење на јадрениот реактор на Смоленската атомска електрана.
Притоки
[уреди | уреди извор]Во Десна се влеваат 18 десни и 13 леви притоки.
- Десни притоки: Убед, Мена, Снов, Белоус, Замглај, Судост, Болдачевка, Габја, Сешча, Стрижењ.;
- Леви притоки: Остјор, Сејм, Доч, Ветма, Велика Присмара, Болва, Снежет, Навља, Неруса, Ивотка, Шостка, Знобовка, Свига, Вересоч, Смољанка.
Најважни населби
[уреди | уреди извор]На Десна се наоѓаат бројни населени места, а некои од најважните се:
Русија Смоленска Област: Јељња, Десногорск, село Јекимовичи.
Русија Брјанска Област: село Снопот, Жуковка, Сељцо, Брјанск, Вигоничи, Трубчевск и Белаја Берјозка.
Украина Черниговска Област: Новгород Сиверски, Макошино, Чернигов, Остер, Десна.
Поврзано
[уреди | уреди извор]Наводи
[уреди | уреди извор]- ↑ Фасмер М. Этимологический словарь русского языка. Т. I. pp. 506.
Надворешни врски
[уреди | уреди извор]![]() |
„Десна (притока на Днепар)“ на Ризницата ? |
- Река Десна на Енциклопедија на Украина
- Десна, приток Днепра // Энциклопедический словарь Брокгауза и Ефрона: В 86 томах (82 т. и 4 доп.). СПб., 1890—1907.]
- Десна в «Словаре современных географических названий».[мртва врска]
|