Бујзе

Карта на кој е прикажан островот

Бујзе ― поранешен остров кој бил еден од Источнофризиските Острови во близина на германскиотбрег на Северното Море, кој речиси целосно бил зафатен од морето во втората половина на 17 век. Единствениот преостанат дел е источниот крај, познат денес како островот Нордернај. Самиот Бујзе бил образуван со распадот на поголем остров. Се споменуваат две можни потекла: распадот на островот Бурхана во потопот од 1219 година и распадот на островот Бант во 1170 година, кој исто така ги образувалЈист, Боркум и Мемерт.

Бујзе се распаднал на два дела во 1362 година. Источниот дел првично бил нарекуван Остеренде, а подоцна „Нордер неје Ог“ (Нов Остров Норденс), а денес е островот Нордернај. Западниот дел полека исчезнувал со текот на годините како резултат на ерозијата, но изворите не се согласуваат за точниот датум на исчезнувањето на Бујзе (Светипетровиот потоп од 1651 или 1690 година).

Надворешни врски

53°42′26″N 7°08′49″E