Цетина
Цетина — река во јужна Хрватска, во централна Далмација. Вкупна должина на реката е околу 105 км, површината на сливот е 1463 км2.[1] Извира од планината Динара, на надморска висина од 385 м, а се влева во Јадранското Море. Реката е пловна во должина од 7 км. Крајот околу реката Цетина често се нарекува Цетинска крајина, а самата река во раниот среден век ја правела границата помеѓу Србите и Хрватите според пишувањето на византискиот цар Константин Порфирогенит (913—959)
| Цетина | |
|---|---|
 Цетина тече низ карпест терен. | |
| Местоположба | |
| Физички особености | |
| Извор | |
| • место | Динара |
| Устие | |
• место | Јадранско Море |
| Должина | 101 kм (331,000 ст) |
| Големина на сливот | 1,463 km2 (565 ми)[1] |
| Особености на сливот | |
Течение
уредиЦетина извира на северозападните падини на планината Динара, во близината на селото Цетина, кое е оддалечено 7 км од населбата Врлика. На околу 15 км од изворот, во Цетина преку водопадот се влева мала река Драговиќ. Во близина на населбата Врлика почнува Перуќкото езеро, кое настанало со изградбата на браната на околу 25 км низводно. Потоа реката протекува низ Сињско Поле, а потоа продолжува да се движи во правец на исток, па повторно завртува на запад околу планината Мосор, пред да дојде до влвиот во Јадранското Море кај градот Омиш. Цетина е најдолга река во областа Далмација.[2] Реката е богата со водопади од кои најголем е водопадот Велика Губавица кој со своите 49 м висинска разлика, спаѓа меѓу најголемите водопади во Хрватска. Во текот на летото просечниот проток на вода низ реката изнесува 4-6 м3/с, а во текот на сезоната на врнежи, протокот значително расте.
На реката се изградени неколку помали хидроелектрани.[3]
.jpg)
Долен ред: Близу Триљ. Кањон близу Шестановац. Вливот на реката кај Омиш.
Наводи
уреди- ↑ 1,0 1,1 Statistical Yearbook of the Republic of Croatia 2017 (PDF) (хрватски и англиски). Zagreb: Croatian Bureau of Statistics. декември 2017. стр. 47. ISSN 1333-3305. Архивирано од изворникот (PDF) на 13 November 2018. Посетено на 23 мај 2018.
- ↑ Naklada Naprijed, The Croatian Adriatic Tourist Guide, pg. 258, Zagreb (1999), ISBN 953-178-097-8
- ↑ Mrla, Domagoj (2019-09-25). Analiza rada termoelektrane i hidroelektrane na Peruči (bachelor thesis) (хрватски). University of Zagreb. Faculty of Mechanical Engineering and Naval Architecture. стр. 14–22.