Tari Andun
Tari Andun adolah sabuah tari tradisional masyarakaik Serawai kabupaten Seluma. Tarian ko dilakukan ditampek tabukak, sarupo halaman rumah pengantin. Tarian diiriangi jo musik kulintang, yaitu alat musik yang tabuek dari kuniangan, babantuak cambuang, biasonyo bajumlah ampek buah, masiang-masiangnyo mampunyoi nada babeda-beda.[1]
Fungsi Tari Andun
[suntiang | suntiang sumber]Partamo, untuak mantakan pangantin laki-laki. Tari Andun dilaksanakan pado malam hari parnikahan yang dilakukan dek pengantar pengantin laki-laki (inang laki- laki) bahadoakan jo panari laki- laki di tampek yang didatangi. Syaraiknyo disabuik tari andun katiko tukang antan datang dari daerah atau nagari lain yang jaraknyo jauah, bilo tukang antaan datang dari daerah dakek indak disabuik tari andun malaikan tari biaso.[1]
Kaduo, untuak ajang mancari jodoh. Palaksanaannyo surang panari laki- laki mamacik sabuah sapu tangan sambia manari, kalau ado padusi yang tertarik dan cocok jo laki- laki panari itu, padusi tasabuik akan maambiak sapu tangan yang ado ditangan, bararti padusi tasabuik mambukak hati untuak mambicarokan tentang kalanjutan hubuangan kaduonyo.[1]
Rujuakan
[suntiang | suntiang sumber]- ↑ a b c Warisan Budaya tak Benda Provinsi Bengkulu. padang: Balai Pelestarian Nilai Budaya Padang. 5 Agustus 2013. pp. 90. ISBN 978-602-8742-66-5.