Surek kaba

Surek-surek kaba nan tapajang di salah satu kadai.

Surek kaba atau koran (dari bahaso Balando: Krant, dari bahaso Prancis courant) adolah suatu terbitan nan ringan sarato murah dibuang, biasonyo dicetak pado karateh babiayo randah nan disabuik karateh koran, nan barisi barito-barito takini dalam babagai topik. Topiknyo dapek barupo even politik, kriminalitas, olahraga, tajuk rencana, inggo cuaco bagai. Surek kaba juo biaso barisi karikatur nan biasonyo dijadian bahan sindia lewaik gambar nan tapauik jo masalah-masalah tatantu, komik, TTS dan hiburan lainnyo.

Ado juo surek kaba nan dikambangkan untuak bidang-bidang tatantu, misanyo barito untuak politik, properti, industri tatantu, panyuko olahraga tatantu, panyuko seni atau partisipan kagiatan tatantu.

Jinih surek kaba umum biasonyo ditabikan satiok ari, kacuali pado hari-hari perai. Surek kaba patang pun lah umum di babarapo nagara. Salain itu, ado juo surek kaba pakanan nan biasonyo labiah ketek dan kurang prestisius dibandiangan jo surek kaba harian dan isinyo labiah basipaik hiburan.

Rami nagara mampunyoi saindaknyo ciek surek kaba nasional nan tabik di saluruah bagian nagara. Di Indonesia contohnyo adolah KOMPAS.

Pamiliak surek kaba adolah pihak panangguang jawek dalam kaitannyo jo kabalansuangan medianyo. Redaktur adolah jurnalis-jurnalis nan batangguang jawek ateh rubrik tatantu. Sadang nan batangguang jawek kapado isi surek kaba disabuik editor (panyuntiang), di sampiang musti adonyo paran wartawan, pawarta atau jurnalis nan mamburu kaba dek instruksi dari redaktur atau pamimpin redaksi.