Kalereng

Kalereng buatan tangan dari Afrika Barat.

Kalereng dengan babagai sinonim gundu (Btw), keneker (Jv), kaléci (Sd), guli (Ms) adolah bola ketek dibuek dari tanah liek, marmer atau kaca untuak pamainan anak-anak. Ukuran kalereng sangaik bamacam-macam. Umumnyo ½ inci (1,25 cm) dari ujuang ka ujuang. Kalereng kadang-kadang dikoleksi, untuak tujuan nostalgia sarato warnanyo nan estetik.

Sijarah

Anak India dari Tamil Nadu sadang bamain gundu.

Mesir kuno

Tahun 3000 SM, kalereng tabuek dari batu atau tanah liek. Kalereng paliang tuo iolah koleksi dari The British Museum di London barasa dari tahun 2000-1700 SM. Kalereng tasabuik ditamuan di Kreta pado situs Minoan of Petsofa.

Romawi

Pado maso Romawi, pamainan kalereng alah pulo dimainkan sacaro laweh. Bahkan, manjadi salah satu bagian dari festival Saturnalia, nan diadoan katiko manjalang parayoaan Natal. Katiko itu kasado urang saliang agia-maagian sakantuang biji-bijian nan bafungsi sabagai kalereng sabgai tando pasahabatan.

Abaik 12

Sajak abaik ka-12, di Prancis, kalereng disabuik jo namo bille, aratinyo bola ketek, di Belanda di sabuik jo namo knikkers. Di Inggris ado istilah marbles untuak manyabuik kalereng. Marbles sendiri digunoan untuk manyabuik kalereng tabuek dari marmer nan didatangkan dari Jerman. Namun, jauah sabalumnyo, anak-anak di Inggris alah akrab manyabuiknyo jo bowls atau knikkers.

Maso modern

Kalereng dari Indonesia

Teknologi pambuatan kalereng kaco ditamuan partamo kali pado tahun 1864 di Jerman. Kalereng nan samulo ciek warna, manjadi bawarna-warni mirip gulo-gulo. Teknologi iko segera manyaba ka saluruah Eropa jo Amerika. Kalereng populer di Inggris jo negara Eropa lain sajak abaik ka-16 hinggo 19. Sasudah itu baru manyeba ka Amerika. Bahan pambuatanyo adolah tanah liek nan sacarao basamoan diproduksi besar-besaran.

Pautan lua

• Kejuaraan Kelereng Dunia
• Permainan Kelereng Archived 2009-03-14 di Wayback Machine.