Lompat ke isi

Kabupaten Karo

Wikipedia Minangkabau - Lubuak aka tapian ilimu
Kabupaten Karo
ᯂᯅᯮᯇᯗᯩᯉ᯲ ᯂᯒᯨ
Daerah tingkat II di Sumatera Utara, Indonesia

Lambang
Semboyan: "Pijer Podi"
Nagara Indonesia
ProvinsiSumatera Utara
Ibu kotaKabanjahe
Pamarintahan
 • BupatiTerkelin Brahmana
 • Wakil BupatiCory Sriwati Sebayang
 • Sekretaris DaerahDrs. Kamperas Terkelin Purba
 • Ketua DPRDNora Else Surbakti
Laweh
 • Total2.127,25 km2 (82,134 sq mi)
Panduduak ((2019)[1])
 • Total415.878 jiwa
Demografi
 • EtnikKaro, Pakpak, Malayu, Toba, Cino-Indonesia
 • AgamoKristen 75,04%
- Protestan 57,58%
- Katolik 17,46%
Islam 24,15%
Buddha 0,56%
Konghucu 0,23%
Hindu 0,02%[1]
 • BahasoKaro, Indonesia
Zona wakatuWIB
Kode telepon0633
Jumlah kecamatan17
Jumlah kelurahan10
Jumlah desa259
DAURp. 625.822.348.000.-(2013)[2]
IPM74,25 (Tinggi)
Kode Kemendagri12.06 Edit nilai pada Wikidata
Situs webkarokab.go.id

Kabupaten Karo (Aksara Karo: ᯂᯅᯮᯇᯗᯩᯉ᯲ ᯂᯒᯨ) adolah kabupaten nan talatak di Sumatera Utara, Indonesia. Ibukota kabupaten iko talatak di Kabanjahe.[3][4] Laweh kabupaten ko 2.127,25 km² jo jumlah panduduak sabanyak 415.878 jiwa (2019). Salain itu, kabupaten ko marupokan tampek asa urang Karo nan saari-ari mangecek jo bahaso Karo.[1]

Wilayah kabupaten ko talatak di Pagunuangan Bukik Barisan bakatinggian 600 inggo 1.400 meter di ateh pamukaan lauik. Sakitar 60,99% wilayahnyo masih utan rimbo. Kabupaten ko tanamo juo jo imbauan "Tanah Karo Simalem" dek punyo hawo nan sajuak jo suhu antaro 16 inggo 17° C.[5]

Pambagian administrasi

[suntiang | suntiang sumber]

Kabupaten Karo tabagi dalam 17 kecamatan. Barikuik daftar kecamatan sarato laweh jo jumlah panduduaknyo:[6]

Kecamatan Laweh Jumlah panduduak

manuruik 2010[6]

Mardingding 267,2 17.062
Laubaleng 252,5 17,713
Tigabinanga 160,4 19,900
Juhar 218,5 12,861
Munte 125,7 19,686
Kutabuluh 195,7 10,586
Payung 47,2 10,837
Tiganderket 86,8 13,178
Simpang Empat 93,4 19,035
Naman Teran 87,9 12,796
Merdeka * 44,2 13,310
Kabanjahe 44,7 63,326
Berastagi * 30,4 42,541
Tigapanah 186,8 29,319
Dolat Rakyat * 32,3 8,296
Merek 125,5 18,054
Barusjahe * 128,1 22.097

Catatan: baso kaampek kecamatan batando * tamasuak dalam Area Medan Metropolitan.[6]

Geografi

[suntiang | suntiang sumber]

Bateh wilayah

[suntiang | suntiang sumber]

Bateh-bateh wilayah Kabupaten Karo antaro lain:[6]

Utara Kabupaten Langkat jo Kabupaten Deli Serdang
Selatan Kabupaten Dairi
Barat Kabupaten Aceh Tenggara (Provinsi Aceh)
Timur Kabupaten Simalungun dan Kabupaten Samosir


Bantang alam

[suntiang | suntiang sumber]

Kabupaten Karo talatak pado katinggian di ateh Bukik Barisan. Dek itu, ado banyak puncak gunuang di kabupaten ko. Duo puncak di antaronyo adolah duo puncak tatinggi di Sumatera Utara, yaitu Gunuang Sinabung (2412 meter) jo Gunuang Sibayak (2172 meter). Dari daerah ko maalia pulo banyak batang aia nan jadi mato aia untuak panduduak Sumut. Banyak dari batang aia tasabuik nan bamuaro ka Selat Malaka, sadangkan nan maalia ka Danau Toba hanyo ciek batang aia. Ilia dari batang aia di Danau Toba barubah manjadi Sarasah Sipiso-piso. Salain batang aia, ado pulo mato aia lainnyo di dalam area kabupaten ko, yaitu Danau Toba jo Danau Lau Kawar (200 ha).[7]

Ekonomi

[suntiang | suntiang sumber]
Bateh Kabupaten Karo jo Kabupaten Deli Serdang

Pado taun 2005, GDP per kapita Kabupaten Karo mancapai 11,65 juta rupiah, atau sapangkek jo US$1.200. Kiro-kiro ado 74% panduduaknyo nan bakarajo di parak, sawah, jo ladang, nan manyumbang 60% kanaiakan GDP daerah.[8] Kudian, sektor nan banyak diminati adolah sektor pamarintahan nan manyumbang 11% GDP daerah.[9]

Demografi

[suntiang | suntiang sumber]
Siwaluh Jabu, rumah adaik urang Karo.

Panduduak di Kabupaten Karo umumnyo adolah uang Karo dan mayoritas maanuik agamo Kristen. Data BPS Kabupaten Karo 2020, panduduak nan baagamo Kristen mancapai 75,04% (Kristen Protestan 57,59% jo Katolik 17,46%) dari 415.878 jiwa panduduak (taun 2019). Salain itu agamo Islam banyak juo dianuik panduduak Kabupaten Karo, yakni mancapai 24,15% dan salabiahnyo baagamo Buddha 0,56%, Konghucu 0,23% jo Hindu 0,02%.[1]

Agamo di Kabupaten Karo 2019
Agamo Persen
Kristen Protestan
  
 57.58%
Islam
  
 24.15%
Katolik
  
 17.46%
Buddha
  
 0.56%
Konghucu
  
 0.23%
Hindu
  
 0.02%


Rujuakan

[suntiang | suntiang sumber]
  1. ↑ a b c d "Kabupaten Karo Dalam Angka 2020". www.karokab.bps.go.id. Diakses tanggal 19 Juni 2020. 
  2. ↑ "Perpres No. 10 Tahun 2013". 2013-02-04. Diarsipkan dari versi asli tanggal 2013-02-14. Diakses tanggal 2013-02-15. 
  3. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Désémber 2018. Diakses tanggal 3 Juni 2019. 
  4. ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Juni 2020. 
  5. ↑ "Archived copy". Diarsipkan dari versi asli tanggal 2011-02-26. Diakses tanggal 11 Juni 2020. 
  6. ↑ a b c d Biro Pusat Statistik, Jakarta, 2011.
  7. ↑ YG, Super Admin. "Website Kabupaten Karo - Danau Lau Kawar". www.karokab.go.id (dalam bahasa Indonesia). Diakses tanggal 2020-06-27. 
  8. ↑ "Archived copy". Diarsipkan dari versi asli tanggal 2011-07-21. Diakses tanggal 20 Juni 2020. 
  9. ↑ "Archived copy". Diarsipkan dari versi asli tanggal 2012-03-14. Diakses tanggal 20 Juni 2020. 
Diambiak dari "https://min.wikipedia.org/w/index.php?title=Kabupaten_Karo&oldid=2464023"