Guyana
Guyana atau sacaro rasmi Republik Koperasi Guyana adolah sabuah nagara di daratan utara Amerika Selatan.[1] Wilayah nan dikuasoi Guyana talatak di antaro garih lintang 1° dan 9°LU, jo garih bujua 56° dan 62°B. Jo lawehnyo 215.000 km2 (83.000 sq mi), Guyana adolah nagara badaulaik katigo taketek di daratan Amerika Selatan sasudah Uruguay jo Suriname. Jo garih pantai Atlantik sapanjang 459 km (285 mil) di timur lauik, Guyana dibatehi oleh Venezuela di barat, Brasil di barat jo selatan sarato Suriname di timur.[2] Ibu kota jo kota tagadangnyo iolah Georgetown.
Politik Guyana tajadi dalam karangko republik demokrasi perwakilan parlementer, dima Presiden adolah kapalo nagara jo kapalo pamarentahan, jo sistem multipartai. Kuaso eksekutif dijalankan dek Presiden jo Pamarentah. Kuaso legislatif dipacik dek Presiden jo Majelis Nasional Guyana.[3] Sacaro historis, politik marupokan sumber katagangan di nagara ko, jo karusuhan ba kakarehan acok tajadi salamo pamilu. Salamo tahun 1970-an jo 1980-an, lanskap politik didominasi dek Kongres Nasional Rakyat.[4]
Pado tahun 2022, panduduak Guyana dipakirokan bajumlah 795.408 urang.[5] Mayoritas utamo (sakitar 90%) panduduak Guyana tingga di sapanjang garih pantai sampik nan bakisa dari leba 16 sampai 64 km (10 hingga 40 mil) ka padalaman jo hanyo mancakuik sakitar 10% dari total laweh daratan nagara.[6]
Rujukan
[suntiang | suntiang sumber]- ↑ "Independent States in the World". state.gov. Diarsipkan dari versi asli tanggal 9 June 2010. Diakses tanggal 24 June 2017.
- ↑ MacDonald, Scott B. (1993). "Guyana and Belize: country studies". di dalam Merrill, Tim. Guyana and Belize: country studies (edisi ke-2nd). Washington, D.C.: Federal Research Division, Library of Congress. pp. 31–35. ISBN 0-8444-0778-X. OCLC 28066032. https://www.loc.gov/item/93010956/. Templat:PD-notice
- ↑ "Guyana – GOVERNMENT INSTITUTIONS". countrystudies.us. Diarsipkan dari versi asli tanggal 7 April 2016. Diakses tanggal 2021-03-04.
- ↑ "Guyana – Political Parties". countrystudies.us. Diarsipkan dari versi asli tanggal 7 April 2016. Diakses tanggal 2021-03-04.
- ↑ "Guyana Population (2022) - Worldometer". www.worldometers.info.
- ↑ "Guyana General Information". Geographia.com. Diarsipkan dari versi asli tanggal 11 April 2010. Diakses tanggal 2 May 2010.