Dasun
Dasun, atau bawang putiah, (Allium sativum) itu tumbuahan bawang nan incek bawangnyo putiah. Dalam ilmu botani, dasun iko masih sajinih (genus) jo bawang merah, kucai, dan bawang perai. Dasun iko baunnyo kareh, biaso tapakai dalam bumbu masak. Salain itu, dasun tapakai juo untuak ubek.
Sarupo jo bawang merah, di aka dasun iko tumbuah incek bawang untuak ka manjadi tampek manyimpan makananyo. Kalau dasun ditanam di tanah nan kurang sasuai, incek bawang dari dasun iko akan tumbuah ciek uleh sajo, dan disabuik dasun tungga.[1]
Rujua'an
[suntiang | suntiang sumber]- ↑ Dewi, Irene Puspa; Wahyuni, Fatma Sri; Aldi, Yufri; Dachriyanus (2021-11-17). "The Cytotoxic Effect of Ethanolic Extract of Dasun Tunggal and Garlic (Allium sativum) on Raw 264.7 Cells" (dalam bahasa Inggris). Atlantis Press: 30–34. doi:10.2991/ahsr.k.211105.005. ISBN 978-94-6239-450-6.