Cek
Cek adolah sabuah surek nan barisi parintah nan indak basyaraik nan dikaluan dek panerbit kapado bank nan mamaliharo rekening giro panerbit untuak mambayarkan sajumlah pitih tatantu kapado pamegang atau pambawo.[1] Jadi, Cek marupoan parintah dari nasabah kapado bank nan manyimpan dana untuak mambayia suatu jumlah tatantu pado saat diunjuakan. Dalam panggunoan cek balaku prinsip umum sabagai barikuik yakninyo sabagai sarana parintah pambayaran tunai atau pamindahbukuan, dapek dipindahtanganan, ditabikan dalam mato uang Rupiah.[2]
Sijarah
[suntiang | suntiang sumber]Pambayaran manggunoan cek patamo kali pado tahun 352 sabalum masehi di Romawi, Para padagang muslim alah terkenal dengan kabiasoannyo dalam manggunoan sistem saqq (nan manjadi serapan cheque atau check) pado maso pamarintahan Rajo Harun al-Rashid pado era Khalifah Abbasiyah. Mereka maraso labiah aman manggunoan sistem saqq iko daripado mambawo pitih dalam jumlah banyak salamo pajalanan untuak badagang.[3]
Baru tahun 1500 ditamua bukti nyato adonyo transaksi manggunoan cek di Balando, kamudian bakambang ka Inggris sakitar tahun 1700-an. Sala ciek bank maagia nomor seri di suduik suok ateh cek bia dapek malacak kabaradoan cek tasabuik, kamudian dari sinanlah asa kato "check". Paredaran cek antar bank manjadi masalah gadang di Inggris katiko itu, meskipun para kurir diagia tips untuak satiok pangambilan cek, tatapi tetap sajo sistem itu mambuang wakatu jo batele-tele. Untuak mamacahan masalah tasabuik para kurir bakumpua di suatu tampek, istirahat jo saliang batuka cek dengan sasamo kurir bank dan tantu saj babagi tips juo. Dari kagiatan para kurir tasabuiklah lahia istilah 'Kliring' (clearinghouses).[3]
Syaraik cek
[suntiang | suntiang sumber]Dalam sabuah cek harus mamuek babarapo syaraik untuak sah atau indaknyo cek tasabuik dipagunoan. Cek harus tamuek dalam warkat. Salain itu, harus tadapek parintah indak basyaraik untuak mambayia sajumlah pitih tatantu. Cek harus pulo manarangkan namo pihak nan harus mambayia, dalam hal iko Bank Tertarik. Bank Tertarik adolah bank nan diparintahan dek panarik dana untuak malakuan pambayaran atau pamindahbukuan sajumlah dana dengan manggunoan cek. Adopun istilah panarik, digunoan untuak manyabuik urang atau badan pamiliak Rekening Giro atau fasilitas Rekening Khusus nan mangaluan cek tasabuik.[4]
Jinih-jinih cek
[suntiang | suntiang sumber]Cek ateh namo
[suntiang | suntiang sumber]Cek ateh namo marupoan cek nan dikaluan ateh namo sasaurang atau badan hukum tatantu nan tatulih jaleh di dalam cek tasabuik. Sabagai contoh jiko di dalam cek tatulih parintah bayialah kapado: Tn. Roy Akase sajumlah Rp 3.000.000,- atau bayialah kapado PT. Marindo pitih sajumlah Rp 1.000.000,- mako cek ikolah nan disabuik jo cek ateh namo, tatapi patuik dicatataik bahwasanyo kato "atau pambawo" di balakang namo nan diparintahkan dicoret. Pambayaran cek iko dilakuan paliang capek sasuai tanggal nan tadapek pado cek tasabuik.[5]
Cek ateh unjuak
[suntiang | suntiang sumber]Cek ateh unjuak adolah cek nan indak mancantumkan namo si panarimo dana jo bank nan akan malakukan pambayaran kapado siapo sajo nan mambawo cek tasabuik. Cek ateh unjuak marupoan juo kabalikan dari cek ateh namo. Di dalam cek ateh unjuak indak tatulis namo sasaurang atau badan hukum tatantu, jadi siapo sajo dapek manguangkan cek atau dalam arati lain cek dapek diuangkan dek si pambawa cek. Sabagai contoh di dalam cek tasabuik tatulih bayialah tunai, atau cash atau indak ditulih kato-kato apo pun.[5]
Cek silang
[suntiang | suntiang sumber]Cek silang adolah cek ateh namo jo cek ateh unjuak nan diagia tando garih manyilang pado ujuang kida ateh warkat atau dapek juo diagia tando garih manyilang sapanjang cek dari ujuang kida bawah ka ujuang suok ateh. Cek silang indak dapek diuangkan sacaro tunai, tatapi hanyo dapek dimasuakan ka dalam rekening panarimo cek.[5]
Bagian-bagian dalam cek
[suntiang | suntiang sumber]Katerangan nan ado di dalam sabuah cek antaro lain:[6]
- Ada tatulih kato-kato Cek atau Cheque
- Ado tatulih Bank Panerbit (Bank Matras)
- Ado nomor cek
- Ado tanggal panulisan cek (di bawah nomor cek)
- Ado parintah mambayia " bayialah kapado....... atau pambawo"
- Ado jumlah pitih (nominal angko jo huruf)
- Ado tando tangan jo atau cap parusahaan pamiliak cek
Rujuakan
[suntiang | suntiang sumber]- ↑ Dr. Mahyus Ekananda. Sistem Pembayaran dan Neraca Pembayaran Internasional. pp. 12-13. http://repository.ut.ac.id/3979/1/ESPA4420-M1.pdf.
- ↑ "Cek". www.bi.go.id. Diakses tanggal 2021-04-15.
- ↑ a b Sekar (2019-12-12). "Cek Adalah Alat Tukar Uang, Ini Kegunaan dan Pengertiannya". Ajaib (dalam bahasa Inggris). Diakses tanggal 2021-04-15.
- ↑ Media, Kompas Cyber (2021-03-21). "Apa Itu Cek: Pengertian, Jenis-jenis, dan Cara Menggunakannya Halaman all". KOMPAS.com (dalam bahasa Indonesia). Diakses tanggal 2021-04-15.
- ↑ a b c "Rekening Giro .:: SIKAPI ::". sikapiuangmu.ojk.go.id. Diakses tanggal 2021-04-15.
- ↑ Chaniago, Adilla Renatan. "ANALISIS HUKUM TERHADAP PENGGUNAAN CEK SEBAGAI ALAT BUKTI PENARIKAN UANG". Universitas Sutomo: 10.