Ruang Amber
Ruang Amber adolah sabuah ruangan nan dilapisi jo ameh, batu amber jo kaco nan talatak di Istana Catherine, Tsarskoye Selo dakek Saint Petersburg. Ruang Amber nan usali dibuek pado abaik ka-18 di Prusia, tapi ruangan nan usali ko dibongka jo akhianyo hilang salamo Parang Dunia II. Ruang Amber di rekonstruksi baliak di Istana Catherine antaro taun 1979 jo 2003.[1]
.jpg)
Sijarah
suntiangPambangunan
suntiangPambanguan ruang Amber dimulai pado taun 1701 nan dipasang di Istano Charlottenburg, kadiaman Frederick, Rajo patamo di Prusia, dek desakan istri kaduonyo Sophie Charlotte. Konsep jo desain rungannyo dirancang dek pamahek Jerman, Andreas Schlüter jo dibangun dek pangrajin ambar Denmark Gottfried Wolframdibangun sarato jo bantuan ahli ambar Ernst Schacht jo Gottfried Turau dari Danzig.[2]
Pambangunan ruang Amber mulonyo dipasang di Istana Charlottenburg, rumah Friedrich I, Rajo Prusia patamo, tapi akhianyo dipasang di Istano Kota Berlin. Salamo kunjungan pado taun 1716, Tsar Peter Agung sangaik mangagumi ruang Amber tu, sahinggo Rajo Prusia manyerahan ruang Amber ka sekutunyo tu Tsar Peter Agung dari Kekaisaran Rusia sabagai hadiah untuak mampakuek aliansi Prusia-Rusia.[3]
Ruang Amber dikirim ka Rusia dalam 18 kotak gadang sarato dipasang di Winter House di St. Petersburg sabagai bbagian dari koleksi seni Eropa. Pado taun 1755, Czarina Elizabeth mamarintahan ruangan tu untuak dipindahan ka Istana Catherine di Pushkin nan banamo Tsarskoye Selo, atau "Desa Czar". Parancang Italia Bartolomeo Francesco Rastrelli marancang ulang ruangan supayo suai jo ruang barunyo nan labiah gadang manggunoan amber tambahan nan dikirim dari Berlin. Sasudah direnovasi pado abaik ka-18, lueh ruang Amber manjadi 180 meter persegi nan dilangkoki jo anam ton ambr jo batu mulia lainnyo. Panaliti mampakiroan ruangan tu banilai $ 142 juta atau sakitar 1.9 triliun. Sairiang wakatu, ruang Amber digunoan sabagai ruang meditasi pribadi untuak Czarina Elizabeth, ruang patamuan, jo ruang piala.[4]
Evakuasi Perang Dunia II
suntiangIndak lamo sasudah dimulainyo invasi Jerman ka Uni Soviet dalam Parang Dunia II, pajabaik jo kurator nan batangguang jawaik untuak mailangan harato seni di Leningrad, mancubo mambongka jo mamindahan ruang Amber. para kurator yang bertanggung jawab untuk menghilangkan harta seni di Leningrad mencoba membongkar dan memindahkan Ruang Amber. Tapi sasudah bataun-yaun ruang Amber alah rapuah jo kariang sahinggo indak mudah untuak mamindahannyo tanpa maancuannyo. Dek karano itu, hiasan nan malakek di ruang Amber ditutuik jo hiasan dindiang biaso supayo pasukan Jerman indak marabuiknyo. Tapi usaha kuator tu untuak manyuruakan ruang Amber tu gagal dek dikatahui jo pasukan Jerman.[4]
Tentara Jerman langsuang marobohan ruang Amber dalam wakatu 36 jam ka dalam 27 peti di bawah pangawasan duo ahli. Peti-peti nan barisi harato karun ruang Amber tu dikirim ka Königsberg di Prusia Timur pado tanggal 14 Oktober 1941 untuak disimpan jo dipajang di kastil kota. Paddo tanggal 13 November 1941, sabah surek kaba dari Königsberg mangumuman basonyo alah dibuka pameran ruang Amber di Kastil Königsberg.[5]
Hari Tarakhia di Königsberg
suntiangPado akhia tahun 1943 sasudah Parang Dunia II tajadi, Alfred Rohde mambongka ruang Amber jo mambuangnyo. Pada bulan Agustus 1944, Königsberg dibaka jo api dek Angkatan Udara Karajaan sahinggo maancuan ruang Amber. Itu menderita kerusakan lebih lanjut yang luas dari artileri dari Tentara Merah yang maju sebelum pendudukan terakhir pada 9 April 1945. Bulan Agustus barikuiknyo Kastil Königsberg dihancuan dek serangan bom sakutu sahinggo maancuan ruang Amber. Dek karano kajadian tu jajak ruang Amber hilang.[4]
Sasudah kajadian tu, ruang Amber direkonstruksi baliak pado tahun 1979 di Tsarskoye Selo jo salasai salamo 25 taun. Dek Presiden Rusia Vladimir Putin jo Kanselir Jerman katiko itu Gerhard Schröder, ruang Amber manjadi panando paringatan 300 tahun St. Petersburg wakatu tu. Ruang Amber tu kini dipajang untuak umum di Museum Tsarskoye Selo di lua St. Petersburg.[3]
Misteri jo Panamuan
suntiangSasudah parang, ruang Amber indak pernah ditamuan baliak, tapi tadapek laporan nan manyatoan potongan-potongan ruang Amber tu ado nan salamaik dari parang. Sajumlah saksi mancaliak bagian dari ruang Amber tu di ateh kapa Wilhelm Gustloff nan maninggaan Gdynia pado 30 Januari 1945. Kapa tu kudian ditorpedo sarato ditanggalaman dek kapa salam Uni Soviet.[6]
Pado taun 1997, sabuah mosaik batu Italia nan marupoan bagian dari ampek set batu nan maiasi ruang Amber ditamuan di Jerman. Batu tu punyo kaluarga saurang prajurit nan mangakui pernah manolong mangamehan ruang Amber wakatu dipindahan dulu. Akhianyo mosaik batu tu diserahan ka Rusia untuak digunoan dalam upayo rekonstruksi.[7] Pada tahun 1998, tadapek pulo barito basonyo ruang Amber alah ditamuan. Urang nan manamuan yaitu duo tim nan barasa dari Jerman jo Lithuania. Tim Jerman manunjuak ka tambang perak, samantaro tim Lituania mayakini harato karun di ruang Amber tu takubua di laguna, tapi indak ado dari kaduonyo nan barhasil manamuannyo.[8]
Pado taun 2004, jurnalis investigasi Catherine Scott-Clark jo Adrian Levy malakuan panyalidikan tantang ruang Amber. Urang tu manyimpulan basonyo ruang Amber kamungkinan ancua katiko kastil Königsberg rusak salamo dibom dek Angkatan Udara Kerajaan pada taun 1944. Dokumen dari Arsip Nasional Rusia maungkapan basonyo Ruang Amber diancuan antaro tanggal 9 jo 11 April 1945. Tanggal-tanggal tu suai jo tanggal akhia parang Königsberg pado 9 April.[8]
Sijarawan sulik mampacayoi basonyo ruang Amber nan baton-ton tu bisa ilang, sahinggo banyak sijarawan nan mancari titiak tarang dari rang Amber tu. Teori nan paliang dasa yaitu peti diancuan dek pamboman pado taun 1944. Teori lain mangatoan basonyo ruang Amber masih ado di Kaliningrad, ruang Amber tu dimuekan ka kapa jo ditamuan di bagian bawah Lauik Baltik. Pado taun 1997, sakalompok detektiif seni Jerman mandapekan patunjuak basonyo ado urang nan manjua panel ruang Amber. Detektif tu manggrebek kantua urang tu dan mandapekan panel ruang Amber tu, tapi urang nan manjua tu indak tau asa mulo dari panel nan inyo jua tu. Teori lain mangatoan basonyo Stalin punyo ruang Amber kaduo sarato Jerman mancilok informasi palsu.[4]
Tadapek carito nan malagenda di kalangan masyarakaik wakatu tu. Banyak urang nan mangalami kajadian aneh katiko barusaho mancari kaba dari ruang Amber. Alfred Rohde jo istrinyo maningga dek tifus dek akrano manyalidiki ruangan tu. Jenderal Gusev, saurang pawira intelijen Rusia maningga pulo dek kacalakaan oto sasudah inyo maagiahan informasi ruang Amber ka wartawan.[4]
Adaptasi
suntiangPamainan
suntiangRuang Amber diadaptasi manjadi pamainan nan bajudul Raid: World War II (2017). Dalam pamainan tu, pamaian ditugasan mancari jo mancilok ruang Amber dalam kaadaan Parang Dunia II malawan Nazi.
Literatur
suntiangSalain diadaptasi manjadi pamainan, cariito ruang Amber dijadioan novel pulo dek sajumlah panulih. Steve Berry manulih novel The Amber Room (2003) nan mancaritoan tantang paburuan ruang amber nan dilakuan dek duo kalompok yaitu die Retter der Verlorenen Antiquitaten.[9] Panulih Faye Kellerman manulih buku tantang ruang Amber pulo nan bajudul Murder 101 (2014). Buku-buku lain nan mangadptasi carito ruang Amber ko yaitu Time Salvager (2015), The Other Side of Silence (2016), Salt to the Sea (2016), The Amber Shadows (2016), The Romanov Ransom (2017) jo The Red Moth (2013).
Program Tv
suntiangCarito ruang Amber ko pernah ditampilan di program tv Season 1 of Expedition Unknown. Di program tv tu dicaritoan tantang patualangan Josh Gates manjalajahi duo daerah Jerman nan manjadi bunker jo tambang perak pado abaik ka-17. Salin itu, ado pulo program tv Amerika lain nan bajudul White Collar nan mancaritoan tantang kotak musik dari ruang Amber.
Galeri
suntiang-
Ruang Amber di Rusia -
Rekonstruksi Ruang Amber -
Interior dalam Ruang Amber -
Ruang Amber di Istano Catherine
.jpg)
Rujuakan
suntiang- ↑ Liputan6.com (2016-04-25). "Pemburu Harta Karun Temukan 'Kamar Berlapis Emas' Jarahan Nazi". liputan6.com (dalam bahasa Indonesia). Diakses tanggal 2019-12-31.
- ↑ Quotations, K. Kris Hirst K. Kris Hirst is an archaeologist with 30 years of field experience She is the author of The Archaeologist's Book of; Science, her work has appeared in; Archaeology. "Baltic Amber: 5,000 Years of International Trade". ThoughtCo (dalam bahasa Inggris). Diakses tanggal 2019-12-31.
- ↑ a b "Янтарная комната: история создания, цифры, факты и тайны". РИА Новости (dalam bahasa Rusia). 20100429T0900+0400. Diakses tanggal 2019-12-31.
- ↑ a b c d e "A Brief History of the Amber Room". Smithsonian Magazine (dalam bahasa Inggris). Diakses tanggal 2019-12-31.
- ↑ Quotations, K. Kris Hirst K. Kris Hirst is an archaeologist with 30 years of field experience She is the author of The Archaeologist's Book of; Science, her work has appeared in; Archaeology. "Baltic Amber: 5,000 Years of International Trade". ThoughtCo (dalam bahasa Inggris). Diakses tanggal 2019-12-31.
- ↑ James Sidney Lucas (2000). Last days of the Reich. Cassell. http://archive.org/details/lastdaysofreichc00luca.
- ↑ "Amber Room Remnants Found? -- Discoveries Delight Russian Art Experts | The Seattle Times". archive.seattletimes.com. Diakses tanggal 2019-12-31.
- ↑ a b "Amber Room hunt makes lake the Tsar attraction". www.scotsman.com (dalam bahasa Inggris). Diakses tanggal 2019-12-31.
- ↑ "The Amber Room by Steve Berry". Steve Berry (dalam bahasa Inggris). Diakses tanggal 2019-12-31.
| Wikimedia Commons mampunyoi media nan bahubuangan jo Ruang Amber |