Virosy Ebola
![](http://upload.wikimedia.org/wikipedia/commons/thumb/0/06/Ebola_virus_%282%29.jpg/286px-Ebola_virus_%282%29.jpg)
Ny virosy Ebola dia otrik' aretina izay niteraka aretina tazo miaraka amin' ny fahaverezan-drà be nahazo ny olombelona sy ny rajako sy ny karazany, ka niteraka valan' aretina nalaza noho ny fielezany sy ny hamaron' ny olona matiny. Ny fikasohana mivantana amin' ny tsiranoky ny vatana no mamindra azy amin' ny samy olombelona. 25% sy 90% ny taham-pahafatesan' ny olona azon' ny aretim-birosy Ebola. Nandringana olona maro tao Afrika Andrefana ilay aretina tamin' ny taona 2014 sy 2015, 39,5% ny tahan' ny olona maty amin' ny voan' ilay aretina tamin' ny 27 Marsa 2016, ka 11 323 ny isan' ny maty tamin' ny marary voamarina miisa 28 646. Taorian' ny fanaovana andrana tamin' ny taona 2015 tao Ginea dia nisy vaksiny voalohany nambara tamin' ny taoa 2016 sady nampiasaina tamin' ny fanaovam-baksiny faobe tao Afrika Andrefana tamin' ny taona 2017 sy tao amin' ny Repoblika Demôkratikan' i Kôngô tamin' ny taona 2019.