Anoreksia nervosa

Anoreksia nervosa (AN) iyâ arèya ghângghuwân ngakan sè tanḍhâna nola' ajâgâ berre' bhâdhân sè sehat bân rassa tako' sè kalebbiyân kalabân nambana berre' bhâdhân sabâb pencitraan diri sè sala. Pencitraan diri èpangaro kalabân bias kognitif (pola penyimpangan ḍâlèm anilai sèttong kabâḍâ'ân) bân apangaroè carana orèng è ḍâlem mèkkèr bân anilai bhâdhân bi' kakananna. AN iyâ arèya sèttong panyakè' kompleks sè anḍi' hubungan bi' komponen psikologikal, sosiologikal bân fisiologikal. Orèng sè sakè' nèka biyasana atamba rasio enzim atè ALT bân CGT^[1] sè masabâbaghi atè rosak sara.

Orèng sè èkennèng AN èsebbhut kalabân anoreksik otabâ anorektik. Nyama arèya maksoddhâ gejala medis kaèlangan nafsu ngakan. AN bisa asabâbaghi ambuna lako bhâdhân bân sampè matè. Anorektik bisa kèya èsebbhut obhât penahan nafsu.

Tanḍhâ

Orèng sè sakè' anorexia nervosa biyasana segghut lapar. Tandhâna bân macemma bisa acem-macem bân kadhâng mlarat èkatèla.

Tanḍhâ anorexia nervosa iyâ arèya hipokalaiemia, kadar kalium ḍâlem ḍârâ. Kalium sè toron cè' segghutta bisa asabâbaghi irama jantung sè abnormal, sakè' tabu', lesso,karosakan otot bân lumpuh.

Tanḍhâ sè bisa maso':

Indeks massa bhâdhân kènè' (ta' normal).
Amonere, tanḍhâ marèna toronna berre' bâdhân sè abit; nyabâbaghi mens ambu, obu' dhâddhi rosak bân kolè' dhâddhi konè bân ta' sehat.
Tako' berre' bâdhân ongghâ makkè dhiddi' sampè' sossa mon ongghâ.
Berre' bhâdhân segghut toron.
Lanugo: obu' alos bân lembhut tombu è muwa bân bâdhân.
Lako mitong kalori bân èssè lemak kakanan.
Amassa' kakanan sè mlarat ghâbây orèng laèn, tapè ta' ngakan kakanan kadhibhi' otabâ ngakan cè' dhiddi'en.
Abâtessè ngakhan tapè abâ' dhibi' koros.
Olahraga kalebbiyân tamaso' olahraga mikto.
Ta' senneng ka cellep bân aserroan seghut cellep; suhu bhâdhân kènè' (hipotermia) polana korang gizi.’
Hipotensi otabâh hipotensi ortostatik.
Bradikardia otabâ takikardia
Depresi gangguan bân insomnia.
Segghut kadhibi' bân majhâu ḍâri kalowarga bân kanca.
Distensi tabu'.
Halitosis (amarghâ ngota otabâ ketosis sè èsabâbaghi kalabân lapar).
Obu' tèpès kerrèng bân kolè' kerrèng.
Lesso kronis.
Kabâḍâ'ân segghut aobâ..
Bârna soko aobâ oren.
Otot tegang sarah, sakè' bân nyèlo.
Bhâjhi' ka abâ' dhibi' bân segghut selfharm.
Lèbur ka orèng sè lebbi koros.

Sabâb

Toronan
Kennengngan
Psikologis.
Media online

Aobhât

Diet sè teppa' tamaso' nègghu nutrisi kakanan.
Terapi.
Aobhât, atanya ka dokter spesialis nutrisi.

Sombher

↑ "Prevalence and Predictors of Abnormal Liver Enzymes in Young Women with Anorexia Nervosa". Harvard-MIT Division of Health Sciences and Technology, Harvard Medical School, Division of Adolescent Medicine, General Clinical Research Center, Division of Gastroenterology and Nutrition, Division of Endocrinology, Children’s Hospital Boston; Hiu-fai Fong, Amy D. DiVasta, Diane DiFabio, Julie Ringelheim, Maureen M. Jonas, dan Catherine M. Gordon. Aksès 2010-10-11.

[1] "Prevalence and Predictors of Abnormal Liver Enzymes in Young Women with Anorexia Nervosa". Harvard-MIT Division of Health Sciences and Technology, Harvard Medical School, Division of Adolescent Medicine, General Clinical Research Center, Division of Gastroenterology and Nutrition, Division of Endocrinology, Children’s Hospital Boston; Hiu-fai Fong, Amy D. DiVasta, Diane DiFabio, Julie Ringelheim, Maureen M. Jonas, dan Catherine M. Gordon. Aksès 2010-10-11.

[1]