Voeulva
|
Quest articol chì l'è scrivud in lombard, con la Noeuva Ortografia Lombarda |
In del paganesim sgermanegh, una vœulva (o vala) l’era una majestra dei art divinatorie e mageghe. I vœulve vegneven ancasì ciamade ‘profetesse’, ‘fomen savie’, ‘strie’ e ‘sazzerdotesse’, e in di font vegge, e in di serc intelletuai de la cademia moderna. Quella sorta chì de induvine l’era un’espression di tradizzion sciamaneghe europeje de l’età pre-cristiana, e i gh’haveven una mota de influenza e autorità dedenter de la sozzietà sgermanega e in la sò cultura. I vœulve eren menzionade sgiamò in l’età romana, quand, per esempi, a pareva che i comandaven dei armade sgermane che se contrapogneven al governa di roman. In sgionta, i vœulve inn vun di motiv pussee comun e recorrent in la mitologia norrenna, e una quaj vœulta anca in la litaradura greco-romana, indova ghe se pœul trovà dei induvine compagne de l’Albruna e la Ganna. In del contest lombard la Gambara l’è quella pussee famosa.
In di religion native del nord Europa e in l’elite scandinava del Rus de Kiev, i vœulve gh’haveven el patronasg de la Freja, e i podarissen vesser considerade coma di sazzerdotesse de quella deja chì.
Vos corelade
[Modifega | modifica 'l sorgent]Olter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Voeulva
