Vidi d'ingress
![](http://upload.wikimedia.org/wikipedia/commons/thumb/8/86/Visa_usa.jpg/220px-Visa_usa.jpg)
El vidi d'ingress (ciamaa despess visa, dal latin charta visa, carta che l'è stada vista) l'è on permiss che on paes el dà a on forestee de 'gnì dent per on temp e on motiv determinaa. In d'on quaj paes gh'è anca el vidi de sortida, per andà foeura dal paes.
De solit el vidi a l'è daa de n' Official de l'Immigrazion a la frontera, ma al di d'incoeu on poo de paes domanden de avegh el vidi prima de andà in del paes.
-
Vidi de sortida temporanea de l'URSS
-
Vidi per quej ch'han perduu la cittadinanza soviedega e pòden andà via per semper
Forma
[Modifega | modifica 'l sorgent]Incoeu i vidi hinn di tesseritt, asquas semper taccaa al Passaport, che l'è daa de ona Imbassada o on Consolaa.
Normalment gh'è dent:
- L'utorità che l'ha relassaa
- La data del relass
- Ona durada del soggiorn
- La validità del vidi
- Ona motivazzion
In d'on quaj paes gh'è anca ona limitazzion al territori: Per esempi on vidi frances el pò riferiss domà ad ona Collettività d'oltre mar e 'l vidi cines el permett mia de andà in Tibet.
Tip de vidi
[Modifega | modifica 'l sorgent]A vardà i divers paes, pòdom avegh on elench general di vidi emettuu:
- Vidi de transit, che 'l serviss a passà per rivà in d'on olter paes.
- Vidi de turista, per quej ch'i van in vacanza o in visita
- Vidi de lavorà, per quej ch'i voeuren lavorà in del territori
- Vidi de student, per quej ch'i studien
- VIdi da giornalista
- Vidi de matrimoni, per quej ch'i voeuren sposass cont el cittadin del paes
Eccezzion e motivazion de rifiut
[Modifega | modifica 'l sorgent]El serviss minga semper el vidi, ad esempi i cittadin de l'Union Europea pòden girà liberament in tutta l'Union. Tra l'alter, i forest i gh'han de ciappà domà el vidi de on paes (despess quell de ingress) e 'l val in tutt i paes de Schengen.
Despess i paes pussee important fan di accord cont i olter paes per permett ai sò cittadin de andà senza el vidi.
I vidi pòden vess anca rifiutaa, i motivazion pussee classich hinn:
- Se l'è fallaa el tip de domanda (vun che 'l domanda on vidi turistegh per lavorà, per esempi)
- Se 'l gh'ha di caregh pendent o l'è staa condannaa per di violazion de la legg.
- Se gh'è on ris'c per la sicurezza nazionala
- Se gh'hinn di rapport gram tra i paes (per esempi Israel e la Siria)