Senavra (Milan)

Quest articol chì l'è scrivuu in lombard, grafia milanesa.

La Senavra (istess in Italian) l'è on edifizzi de Milan, che al dì d'incoeu el se troeuva in Cors 22 de marz.
El sò nomm el vegn de la corruzion del latin Sanctus Petrus in scæna aurea.
L'è staa faa sù di Gesuita in del 1600 in d'on sitt che al temp l'era foeura de Milan e che prima l'ospitava la villa del Ferrante Gonzaga, governador spagnoeu de Milan. El serviva 'me loeugh de villeggiadura in mezz al verd de la campagna milanesa.
In del 1774 l'imperadris Maria Teresa l'ha faa vegnì on manicomi per i pover e sotta el regn del Giusepp II l'è staa sequestraa a la Gesa.
La Senavra l'è stada on manicomi fina al 1927, quand che l'è stada sostituida de on alter sitt, e l'è stada venduda al comun.
Incoeu inveci arent a la Senavra la se troeuva la parrocchia de la gesa del Preziossisim Sangh del Noster Signor Gesù Crist, fada sù in del 1959.
On temp vess vun de la Senavra l'era sinonim de vess on matt.

Font

• el sitt de la Senavra Arqiviad qé: [1]
• Eugenio Restelli, A Milano si dice così (a cura de Cesare Comoletti), pag. 98, ed. Libreria Milanese.