HP-65
![](http://upload.wikimedia.org/wikipedia/commons/thumb/f/f6/HP-65_Mint_in_Box_%28cropped%29.jpg/220px-HP-65_Mint_in_Box_%28cropped%29.jpg)
L'HP-65 a l'è stada la prima calcolatris programmabil a cartolina magnetica de tegnì in man, venduda de l'HP in del 1974 per 795$, circa 3945$ d'incoeu.
Storia
[Modifega | modifica 'l sorgent]L'è sortida in del 1974. El Bill Hewlett l'ha voruu che la podess stà in la soa saccoccia, e l'è la reson de la forma affusolada de la calcolatris.
Us important
[Modifega | modifica 'l sorgent]![](http://upload.wikimedia.org/wikipedia/commons/thumb/2/2b/HP-65_Programmable_Calculator_%28edited_to_remove_background%2C_optimized_colours%29.jpg/220px-HP-65_Programmable_Calculator_%28edited_to_remove_background%2C_optimized_colours%29.jpg)
In del 1975 a l'era a bord de la missione congiunta Apollo-Sojuz, de doperà se l'Apollo Guidance Computer el se fuss s'ceppaa. A l'è stada la prima calcolatris in del spazzi, ma a l'è stada no doperada perchè el computer de bord l'ha fonzionaa ben.
Semper in del 1975 el Mitchell Feigenbaum l'ha descovert al Los Alamos National Laboratory cont la soa HP-65 quèlla che incoeu a l'è ciamada costant de Feigenbaum, doperaa in la teoria di biforcazion.
Caratteristegh
[Modifega | modifica 'l sorgent]![](http://upload.wikimedia.org/wikipedia/commons/thumb/8/8f/HP65_display_after_result_of_test_programm_from_card_reader.jpg/220px-HP65_display_after_result_of_test_programm_from_card_reader.jpg)
La HP-65 la mett, per la prima voeulta, i botton volt e trapezioidai che han caratterizzaa 'na longa generazion di calcolatris HP. Ògni botton el gh'ha finna a 4 fonzion, vuna scrivuda normalment, vuna in or in su la tastadura e vuna in bloeu in sul botton, che se ciamaven cont i tast appòsta pussee la fonzion. La quarta fonzion a l'éra, despess, l'invers.
I fonzion che gh'eren eren la radis quadrada, l'invers, i fonzion trigonométrich (sen, cosen, tangènt e i sò invers), fattoriai, logaritm ed esponenziai.
El podeva convertì deciaml vers ottal e viceversa, oltra a convertì i coordinaa polar vers quej retangolar e i grad scrivuu in minut e segond in decimal.
La doperava la notazion polacca inversa.
Programmazion
[Modifega | modifica 'l sorgent]![](http://upload.wikimedia.org/wikipedia/commons/thumb/5/5e/HP_magnetic_card.jpg/220px-HP_magnetic_card.jpg)
La HP-65 la pò 'vègh on programma de 100 istruzion de 6 bit. La pupart di istruzion mittuu cont pussee botton in su la tastadura a hinn salvaa cont on'istruzion unica. Eren supportaa i confront in tra i register x e y e i subroutine.
I programma se podeven salvà in su la cartolina magnetica de 71 mm × 9.5 mm. In teoria la gh'aveva du lat, ma per el meccanism che 'l tira dent la cartolina a l'è consiliaa no doperàll, per el ris'c de dannegiàlla. I cartolinn se podeven protegg de la scriccuira e eren venduu di cartolinn giamò protegiuu e cont el programma su.
Per la scarsa memoria del sistema se se doperen di fonzion trigonométrich el register R9 el se corromp. A l'è nò classificaa 'me bug perchè documentaa in del manual.