Ferrovienord
FerrovieNord a l'è ona società part del grupp FNM che la gestiss l'infrastruttura regionala ferroviaria lombarda, in concession.
Storia
[Modifega | modifica 'l sorgent]I Ferrovienord nassen in del 1985, comé part de la trasformazion dij Ferrovie Nord Milano in d'ona holding, cont el nomm de FNM Esercizio.
In del 1987 la fa su, cont la Provincia de Bressa, la Società Nazionale Ferrovie e Tramvie, per ciappà la concession de la tratta Bressa-Isee-Edol, e cinch agn dopo la crompa tutt el pacchett de la SNFT.
El 15 de magg 2006 la cambia nomm in Ferrovienord.
Attività
[Modifega | modifica 'l sorgent]![](http://upload.wikimedia.org/wikipedia/commons/thumb/5/5e/Ferrovie_Nord_Milano_railroad_map_2006.gif/220px-Ferrovie_Nord_Milano_railroad_map_2006.gif)
I Ferrovienord gestissen 319 kilometer de red ferroviaria e 120 stazion in su la tratta, cont di servizzi faa per la pupart de la Trenord.
Per quistion de organizzazion el servizzi a l'è spartii in Ram Milan, cont tucc i lign che servissen Milan, e Ram Isee.
El Ram de Milan a l'è faa de:
- Ferrovia Milan-Ass
- Ferrovia Milan-Saronn
- Ferrovia Noara-Seregn
- Ferrovia Saronn-Comm
- Ferrovia Saronn-Laven
Inveci quell de Isee a l'è faa de la ferrovia Bressa-Isee-Edol e de la ferrovia Bornaa-Rovaa.
El ram meneghin a l'è elettrificaa, quell de Isee no.
Ficc di treni
[Modifega | modifica 'l sorgent]FNM la ficcia anca di treni per i gestor del servizzi regional, incoeu a hinn tucc doperaa de la Trenord.