Ferrotramviaria
|
Quest articol chì l'è scrivud in lombard, con la Noeuva Ortografia Lombarda |
La Ferrotramviaria a l'è una società per azzion che la se ocupa de straport publegh local in l'area Nord de Bari.
La gestiss i Ferrovie del Nord Bares, un servizzi ferroviari che 'l corr in tra la provincia de Bari e quella de Barletta-Andria-Trani, oltra a di servizzi de corriera in su la midema banda. Gh'hann anca un servizzi de straport mercanzia in su la red RFI.
A l'è stada fada su in del 1931 del cont Ugo Pasquini, ministrador delegad di Ferrovie del Sud-Est, per gestì la tramvia Bari-Barletta, a scartament redut, linia che poeu l'è trasformada in la ferrovia Bari-Barletta, verta del 1965. In del 2008 derven la ferrovia metropolitana de Bari, e del 2013 la gh'è una variant per el reoport.
El 12 de luj 2016 a gh'è un gram incident in tra Andria e Corato, indova che du treni se s'centen e lassen 23 mort.
Material rotabil
[Modifega | modifica 'l sorgent]Al dì d'incoeu la Ferrotramviaria la gh'ha:
- 5 Eletrotreni CAF Civity a 4 casse
- 3 Eletrotreni Stadler FLIRT a 4 casse
- 5 Eletrotreni Alstom Coradia a 4 casse
- 6 Eletrotreni Alstom Coradia a 3 casse
L'azienda la gh'ha anca di locomotive, soratut TRAXX, che inn doperade per el trafegh de mercanzia, e de manoeuvra. In passad, a gh'eren anca di treni in composizzion.
In del 2022, l'azienda la crompa vundes Pop, sgiamò doperad del servizzi ferrovieri regionali de Trenitalia.
Bibliografia
[Modifega | modifica 'l sorgent]- Francesco Bloisi, Francesco Maria, Dalle concesse alle ferrovie regionali. Storia, tecnica ed evoluzione. Tuttotreno Tema n.24, Ponte San Nicolò, Duegi editrice, 2009. ISSN 1124-4232
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Ferrotramviaria
