Badalisch
Chest artícol a l'è scricc in Lumbàrt, ortograféa orientàl unificàda. |
![](http://upload.wikimedia.org/wikipedia/commons/thumb/1/18/Badalisc_-_Andrista_-_Cevo_%28Foto_Luca_Giarelli%29.jpg/250px-Badalisc_-_Andrista_-_Cevo_%28Foto_Luca_Giarelli%29.jpg)
El Badalisch (apò Badelisch o Badalésch) l'è 'na figüra de la tradisiù de la Al Camònega, en particolàr de paés de Andrista en Val De Saviùr.
A stà a la legènda l'è 'n éser che vif endèi bósch, che ògna an el vé catüràt endèl tép de la Befàna (5-6 de zenér) dei zùegn e portàt en paés. 'Na ólta riàt en piàsa, vé prununciàt el discórs del Badalìsch, endel quàl la bes•cia la cönta sö en pó de facc e spetegolès de la cumunità en maniéra de tirà 'n gir e sènsa fà nòm. Al dé d'encö el discórs l'è scriìt en rìma, sönden fòi, e 'l vé lizìt sö de ìn delegàt.
La séra del segónt dé se fà la séna del Badalisch e la bès•cia la vé lasàda nà, lìbera de turnà 'n mès ai sò bósch.
El vé reprezentàt col có gròs, de lègn e cuarciàda zó de péi de càvra, condei córegn pesègn, 'na bóca bèla grànda e i öcc che lüs. Tép endré par che 'na fèsta piö o méno precìza de chèsta la se fàa pò a Bèrs.
'Ntra i figüràncc de la reprezentsiù, per tradisiù, pöl mìa ésega fómne, e i personàgi feminìi, che i è amitìcc, i è però empersunàcc de òm traistìcc.
Galerìa de fóti
[Modifega | modifica 'l sorgent]-
La catüra del Badalisch
-
La zét che scùlta el discórs del Badalisch"