Armandoleta
![]() |
Quest articol chì l'è scrivud in lombard, con la Noeuva Ortografia Lombarda |
![](http://upload.wikimedia.org/wikipedia/commons/thumb/c/c7/Mandola.jpg/220px-Mandola.jpg)
L'armandoleta (del latin tard pandura, del grech πανδοῦρα) a l'è un strument musegal a petaca de la familia di ligut, derivad de l'arab oud aprodad in Europa in del medioev. A l'è una variant italiana de origen cinch-centesca e l'è compagna del mandolin che insema a lee el s'è evolud.
Storia
[Modifega | modifica 'l sorgent]In de la so variant contemporanea, anca l'armandoleta, foeura che per i dimension, la gh'ha quater dobie corde acordade per quinte. L'armandoleta tenor (diapason de circa 44 cm), pussee rara, la presenta l'istessa acordadura del mandolin (sol, re, la, mi), un'otava sota; inscambi l'armandoleta contralt, pussee comuna, a l'è acordada, coma la vioeula, una quinta sota al mandolin (do, sol, re, la) diapason 40,5/41. Per quella reson la segonda la vegn di voeulte doperada in di orchestre a pateca indova la poeul havé el roeull che la vioeula la gh'ha in orchestra. Impunemanch, l'aprezzament de che el strument el gh'ha havud in de la tradizzion popolara l'ha finid per favorì l'armandoleta tenor (o armandoleta tout-court), che per la so acordadura la permet a un sonador de mandolin de passà in su quell strument chì senza cambià didegiadure.
A inn stad costruide anca armandolete a cinch e ses corde che vegniven acordade squas semper coma quei del legut renassimental.
La poeul havé fonzion melodeghe, armoneghe e ritmeghe. El so usagg in de la musega celtega a l'è assee recent. In quella tradizzion musegal chì, sota influss dr l'Irish bouzouki, i du cor pussee grav a poeuden vesser acordad a l'otava. Recent a inn anca i modifeghe de la forma a gota, che la facilita l'esecuzzion in su la part volta de la tastadura, e del fond piat, che en facilita la produzzion in su scala industriala.
Ligam de foeura
[Modifega | modifica 'l sorgent]- Armandoleta, in su Enciclopedia Treccani