Acanthis flammea
| Carduelis flammea | ||||||||||||||
|---|---|---|---|---|---|---|---|---|---|---|---|---|---|---|
 On cardinalin in su la brocca de 'na pianta
| ||||||||||||||
| Stat de conservazion | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Carduelis flammea Linèo, 1758 |
El cardinalin o gegè[1] (ciamaa anca fanell de la regina[2]; nomm scientifegh: Carduelis flammea, Linnaeus, 1758) a l'è on usell passeriform de la fameja di Fringillidae.
A l'è spantegaa in Europa (anca in Lombardia), Asia e America del Nord.
Descrizzion
[Modifega | modifica 'l sorgent]El cardinalin el mesura de norma 13 cm de longhezza, e 'l pesa intorna ai vint gramm.
La grandezza la varia segond la sotta-speci: la pussee granda l'è l'Acanthis flammea rostrata, la pussee penina la A. f. cabaret.
I sò piumm hinn maronn e negher: in su la crapa el gh'ha ona smaggia rossa (sia per i mas'c che per i femen). I mas'c, a partì del segond ann de vita, a gh'hann 'na smaggia rossa anca in sul pecc. El becch l'è giald scur.
Biologia
[Modifega | modifica 'l sorgent]I cardinalitt a viven in rosc faa de 'na desena de esemplar. Fann el sò nid in tra i conifer, e fann trii o ses oeuv a la voeulta: i poresitt a nassen dopo 13 dì.
Sistematega
[Modifega | modifica 'l sorgent]Quell usell chì el gh'ha tre sotta-speci:
- Acanthis flammea flammea (Linnaeus, 1758): la viv in Alaska, Canada, Europa del nord e Siberia
- Acanthis flammea rostrata (Coues, 1861): la viv in Canada, Groenlandia e Islanda
- Acanthis flammea cabaret (Statius Müller, 1861): la viv in di Isol Britannegh, Danimarca, Belgi, Francia, Svizzera, Germania e in di alp italiann.
Referiment
[Modifega | modifica 'l sorgent]- ↑ Erasmo Buzzi, Catalogo ornitologico della provincia di Como e della Valsassina, 1870
- ↑ Lessico zoologico popolare della provincia di Cremona