Pagina principala
|
|
 Vox ind la vedrina El santuare de Santa Maria de la Crox l’è una basilega catolega minor qe la sa trova a un qilometer dal center storeg de la citaa de Crema, in su la strada per Bergem. L’orijen de la devozion a la Madona de Santa Maria de la Crox la sa cognoss ben, e g’è tants documents qe i ne parla. Il 13 de febrar 1489 Catarina dei Uberti, qe l’era de una famea rica de Crema, la g’hiva sposad el Bartolomee Pederbell. La jent i le ciamava “el Contai” (ital. Contaglio). L’era stait condanad e caçad via de Bergem e l’era rivad a Crema, senza dir nigot de la so condana. Crema e Bergem allora i era ind la Republica de Venezia. El prim ann de matrimone l’è miga stait facil. El Contai e la famea de Catarina i andava miga decorde sul pagament de la dota de la sposa. I documents storeg i cunta su qe la sira del 2 april 1490 el Contai al g’hiva convincid (o obligad) Catarina a andar-g adree a lu a trovar i so parents qe i stava ind el bergamasc. Quand qe i è rivads a un per de qilometri fœra de Crema, lu al g’ha cambiad strada, al g’ha lassad la via qe incœ la se ciama “Via dei Molin” è l’è andait dent ind el bosc del “Novellet”. Qé el Contai al g’ha assalid la so dona con la spada (qe l’è anc’mò conservada ind el Santuare): al l’ha colpida in sul coo, sui braç e al g’ha taiad via la man destra. Tant qe l’era adree a colpir-la con la so spada, la lama la s’è spacada in duu toc, e lu, per vesser plussee sicur qe l’era morta, el g’ha dait una cortellada ind la sqena. Ma la lama l’è miga reussida a ferir-la, i vestids i l’ha protejida e g’è restad domà un segn vixin a la spalla mancina. El Contai dopo el misfait l’è scapad cont un sac pien de robe, a anca con quater anei d'or de la Catarina. De lu s’è savid plœ nigot. (innanz)
 A l' savivet qe ... L'Elettrotreno FS ETR.200 a l'è staa on elettrotreno di Ferrovij del Stat italian, famos per vess rivaa a pussee de 200 km/h in su la linia in tra Fiorenza e Milan in del 1939. L'è retegnuu el progenitor di elettotreni de l'alta velocità ferroviaria italiana. In di primm agn '30 i Ferrovij del Stat deciden de potenzià el servizzi Intercittà elettrich in su la direttriss Milan–Bologna–Fiorenza–Roma–Napoli–Reggio Calabria. In del 1934 el scomincia el desvilupp de 'sto treno, desviluppaa cont di sistema assee modèrni per l'epoca e cont el studi in la galleria del vent. In del 1936 a l'è consegnaa el primm esemplar, de 'n grupp de 6, che l'ha mostraa on quaj problema cont el pantograf a pussee de 130 km/h, dònca a l'è mittuu on spegg per permett al macchinista de manvoràll in corsa e in del 1937 entren in servizzi in su la tratta Bologna-Roma-Napoli. In del 1938 hinn consegnaa alter 8 treni, ordinaa in del 1936. In del 1939 a hinn presentaa a New York, indova fann success ma hinn no ordenaa a l'ester. El 6 de dicember 1937 on ETR.200 el corr, cont di tecnegh franzes a bord, a 201 km/h in su la direttissima Roma-Napoli. (Va inanz)
 Ind i oltre lengue...I dex Wikipedie con plussee articoi: Ingles, Cebuan, Todesc, Svedes, Frances, Olandes, Russ, Spagnœl, Italian, Arab Egizian Oltre lengue minoritarie: Piemontes, Catalan, Sardegnœl, Galles, Galizian, Ciovaç, Alemann, Sicilian, Tatar de Crimeia, Mannes.
 Un proverbe a cas |
 Ocio!
 WikipediaWikipedia l'è un'enciclopedia libera e portada inants apena de utents volontare. Ol so obietiv l'è de menar la cognossenza libera a tuts e in plussee lengue qe s'pœl. I nost Cinq Pilaster i è:
Una vox de scriver
 Cossa s'pœl far?
|
