Bestazz

Quest articol chì l'è scrivuu in lombard, grafia milanesa.

Bestazz (Bestasc in del dialett local; Bestazzo in Italian) a l'è ona frazion del comun milanes de Cislian. L'è lontan almanch duu km del center comunal. El sant patròn a l'è la Madònna Assunta.

La gesa cont el sò caratteristegh campanin

Stòria

I primm document stòrigh che parlen de on locho de Bestazo a hinn del 1396, ciovè l'ann che l'ha vist el borgh entrà a fà part di comun dipendent de la Piev de Corbetta.
Bestazz l'ha conossuu on moment de gran splendor in del Ses'cent, quand che i nòbil Terzagh n'hinn vegnuu i feudatari e gh'hann miss lì la soa residenza. Quest l'ha permiss l'espansion del paes e la costruzion de ona gesa noeuva.
Bestazz el s'era costituii in comun giamò in del XVI secol e l'ha mantegnuu on'economia d'impostazion agricola fina a la fin del Vòttcent, quand, in del 1870, l'è staa taccaa al paes de Cislian.

Monument

• Gesa de Santa Maria Assunta: i primm notizzi de la soa costruzion hinn del 1396. Ai temp di piev, la gesa la gh'eva ai sò dipendez vari ges de la zòna. Le gesa, anca se l'è stada recostruida in del XVII secol, la gh'ha anmò ona pienta medieval. Hinn caratteristigh el campanin e la facciada fada in preia. La gesa la gh'ha tre navad, di quai la pussee gròssa l'è quella de mezz.
• Cappella de Ravett: l'è ona cappella piscinina minga lontana de la gesa parrocchial.
• Palazz Terzagh: l'è l'edifizzi pussee antigh de la città e 'l rappresentava la residenza in loco de la famiglia Terzagh, feudataria del paes. El palazz el se troeuva longh on inseriment tipigh di strad romann, ròbba che la fa pensà a ona struttura molto veggia, medieval o romana.

Alter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su Bestasc