Felis silvestris catus
![]() |
Quest articol chì l'è scrivud in lombard, con la Noeuva Ortografia Lombarda |
El Felis silvestris catus, ciamad apò gat demestegh, l'è 'n mamifer carnivor de la fameja dei Felidae.
Gat | ||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||||||||||
Stat de conservazion | ||||||||||||||||||||||||||
Classifigazion sientífiga | ||||||||||||||||||||||||||
| ||||||||||||||||||||||||||
Nomm trinomial | ||||||||||||||||||||||||||
'''Felis silvestris catus''' Schreber, 1775 | ||||||||||||||||||||||||||
Sinonim | ||||||||||||||||||||||||||
Felis silvestris domesticus |
L'è giun dei anemai de compagnia pussee difondicc e 'l cunta al dé d'encoeu 'na zinquantena de varietà diferente.
L'è soratut territorial e 'l va a cascia de prede pezzene, compagne dei soregh che l'è 'na sò preda tipega. I gacc i fa 'na serie de vocalizazzion (vers) diferente che le va de le fuse (el tipegh ron ron) ai sgnaolamencc de deverse sorte, aiseben che per comunegà coi sò simei l' dopre pioeu che olter le cere del mus, le posizzion del corp e l'emission de feromon.
Segond i resultacc de studi che gh'è stad fad end el 2006 e 2007[1], el gat demestegh l'è 'na sotaspece del Gat salvadegh (Felis silvestris) del qual el s'è separad pioeu o men 130.000 agn indree.
Le prime demestigazzion le saress stade fade 'ntra 8.000 e 10.000 agn indree, end el neolitegh de la Mezaluna Fertil, en correspondenza del prencepe de la coltura dei cereai quand che le scorte de granaje le g'ha scominciad a vesser mitide 'n perigol dei roditor e 'l gat el g'ha cominciad a vesser un collaborator util. I gacc ferai, che i è di gacc demestegh che i torna a viver en natura i è 'n bell problema, vist che i poeul deventà 'n superpredator in d'una mota de ambiencc e se stima che di 700 milion de gacc che gh'è, pussee de 400 milion i è ferai.
Galleria di imagin
Modifega-
Un gat naranz
-
Un gat gris
-
Un gat negher
-
Un gat gris coi oeugg de color diferent
-
Un gat tigrad
-
Un gat che 'l par l'Adolf Hitler, una roba che l'è deventada un fenomen social
Riferimencc
Modifega- ↑ Carlos A. Driscoll, The Near Eastern Origin of Cat Domestication - 2007: Science - http://www.mobot.org/plantscience/resbot/repr/add/domesticcat_driscoll2007.pdf.