selje

Selje kan bli ganske store tre, åtte meter høge. Blada er som regel avlange. Dei er mørkegrøne og ganske tjukke.

Selje blomar tidleg om våren før dei har fått blad. Blomane er små, men dei sit tett saman i aks. Desse aksa blir kalla gåsungar. For mange er dette eit kjært vårteikn.

Seljetre har anten berre hannblomar eller berre hunnblomar. Pollenet er gult og gåsungane på hanntrea er difor gule. Det er desse gåsungane som flest bruker til pynt inne. På hotrea er gåsungane grågrøne fordi arra er grønlege.

Seljeblomane lagar nektar. Selje er viktig mat for humler om våren fordi det er så få andre blomar. Etter befruktning lagar hoblomene frukter. Fruktene er frø som har hår som liknar dun. Dette gjer at dei blåser langt av garde med vinden.

Selje er vanleg over heile Noreg. Dei finst i skog og skogkantar. Kantar rundt åkrar er også ein viktig veksestad for selje. Selje treng mykje lys for å vekse. Difor veks trea best i opne område.

Om vinteren beitar ulike dyr på borken på seljetrea. Dette gjeld til dømes hare og elg.

Om våren når selja byrjar å få blad kan ein lage seljefløyter av kvistene. På denne tida er det mykje sevje i kvistene. Då er det mogeleg å løyse borken frå kvisten.

• plantar
• tre
• lauvskog
• skog