Kyssesjuke er ein infeksjon som kjem av eit virus. Den set seg i halsen og i lymfeknutane. Det er barn og ungdom som vanlegvis får kyssesjuke. Det finst ingen vaksine eller medisin mot sjukdommen.
kyssesjuke
Faktaboks
- Også kjend som
-
mononukleose
Det er ikkje alle som merkar at dei har kyssesjuke. Symptoma kan minne om ei vanleg forkjøling. Hovne mandlar og vond hals kan vere teikn.
Smitte
Kyssesjuke kjem av Epstein-Barr-viruset (EBV). Mange som blir smitta, får ingen teikn på sjukdommen. Dei kan likevel smitte andre. Viruset finst i munnen og i spyttet. Difor kan ein bli smitta, ved til dømes å dele flaske med nokon, eller at nokon nys eller hostar. Ein kan òg bli smitta, ved å kysse éin som er sjuk.
Ein blir sjuk frå tre til seks veker etter at ein blei smitta. Hjå vaksne har dei aller fleste antistoff mot sjukdommen, som teikn på at dei har hatt infeksjonen tidlegare i livet. Når ein har hatt kyssesjuke, ligg viruset framleis kvilande i kroppen sine celler og kan vakne, viss ein blir alvorleg sjuk av noko anna.
Symptom
- Feber
- Hovne, raude mandlar med kvitt belegg
- Hovne lymfeknutar i halsen, armholene og i lyskene
- Dårleg ande og forandra stemme
- Hevelse rundt auga
- At ein blir svært trøytt
- Dårleg matlyst
- Vondt i hovudet
Somme brukar fleire veker på å bli friske.
Undersøkelser
Legen kan sjekke med ei blodprøve, om ein har antistoff mot Epstein-Barr-viruset. Legen kan òg sjå om levra eller milten er blitt større. Det er vanleg å få betennelse i levra.
Følger
I nokre veldig få tilfelle kan milten sprekke. Difor skal ein vere forsiktig med fysisk aktivitet, så lenge ein kjenner seg sjuk.
