Tamerlan
ZE-P
|
Sta paggina chie a l'è scrita in zeneize, co' ina grafia tipo quella do Prian do 1745 |
![](http://upload.wikimedia.org/wikipedia/commons/thumb/6/68/Stamps_of_Uzbekistan%2C_2007-37.jpg/220px-Stamps_of_Uzbekistan%2C_2007-37.jpg)
Tamerlan (perscian Tīmūr Lang, propr. "Timur o rango"). - Sovran turco de l'Axia Centrâ (Kish, Samarcanda, 1336 - Otrār 1405).
Vìtta
[modìfica | modìfica wikitèsto]O començò e so conquiste in Transoxiaña e inta Corasmia (1360 circa), e inte 'n trentennio o l'ocupò a Perscia, l'Iraq, l'Anatolia, l'Ærminnia e a Zorzia, parte da Sciria e de l'India. A Angoa, in battaggia campâ, o batté e cattuò (1402) o surtan ottoman Bāyazīd I, arestando temporaniamente l'asceisa vittoiosa da potença ottomaña.
Queste conquiste, fra destruçioin e strage immane, creon a figua, penetrâ da pœu inte l'Occidente, do Tamerlan superbo e sanguinaio tiranno, quæxi incarnaçion de sfrenâ barbaie: in realtæ questo guerê implacabile o fu ascì protettô de poeti e artisti. Sotto de lê a so capitâ, Samarcanda, a l'ebbe una scioitua monumentâ, e scin a ancœu un di so ciu conspicoi monumenti a l'è a tomba do Tamerlan (gūr-i amīr).
O so immenso impeo o no tardò a fraçionâse: i so diretti descendenti, i Timuridi, tègnan pe circa un secolo a Transoxiaña e a Perscia orientâ; un so nevo, Bābur, o fondò l'impeo moghūl in India.
Âtri progètti
[modìfica | modìfica wikitèsto]Wikimedia Commons a contêgne di files in sce Tamerlan
Contròllo de outoritæ | VIAF (EN) 63984707 · ISNI (EN) 0000 0001 2136 280X · LCCN (EN) n50015000 · GND (DE) 118622803 · BNF (FR) cb11939835h (data) · BNE (ES) XX1289010 (data) · NLA (EN) 61544228 · BAV (EN, IT) 495/29477 · CERL cnp00986151 · NDL (EN, JA) 00621564 · WorldCat Identities (EN) n50-015000 |
---|