langs

e vootpaad langs [1] de baek op

Mofers

Veurzitsel

Lemma

langs /làŋ̊s/ (liaison: /làŋz/)

1. inne lingdje (ane randj) van, aevewiejig aan
2. (graof spraokgebroek) guuef aan det m'n oppe plaats van bestumming kump

   Ich höb gèn zin veur te kaoke. Ich vaar waal ef langs de vètbak.

Raod

Van aadshaer oet geit 't veurzitsel langs ummer same mit 'n achterzitsel: langs ... aaf, langs ... door, langs ... op enzowiejer.

Aafbraeking

• langs

Net get anges gesjreve

• lanks

Aafleijinge

• langsaaf, langsaan, langsdoor, langsein, langshaer, langsop, langsveur
• achterlangs, baovelangs, daolangs, d'rlangs, euverlangs, hielangs, óngerlangs, veurlangs, wolangs

Verwantje wäörd

• lank
• bezieje, haeróm, naeve, óntlank, terziejenoet, veurbie, wiejeróm

Zagswies

• langs ... op: meis bie bewaeging

  Veer höbbe langs de baek op gewanjeldj.

  Langs de straot op laag nieks es aafval van det vuurwerk.

• langs ... aaf: meis bie positionering

  Ligk die buus meh langs det spervesbèd aaf.

• get langs de naas eweg/weg zègke:
  1. get serjeus zègke sónger dao waatfere naodrök danouch op te ligke
  2. get es 'n opmirking tössedoor zègke
• 'ne struip d'rlangs höbbe (naodrök op d'rlangs): gek zeen
• 't Geit langs mich/dich/... haer: Ich/doe höb(s)/... en krieg/kries dao gènne weet van.
• 't Geit mich/dich/... langs die näöj: Ich/doe/... zit(s) in serjeus perbleme.
• zich örges langs pisse/strieke (aksent op langs): get det is opgedrage neet oetveure sónger dao get van te zègke

In anger spraoke

[1]

• Frans: le long de
• Ingels: along^(en:), alongside
• Nederlandjs: langs, langsheen
• Pruus: entlang, längs
• Spaans: a lo largo
• Zweeds: utmed, längs, utefter

Biewaord

Lemma

langs /làŋ̊s/ (liaison: /làŋz/)

1. in 'n lankgerèkdje bewaeging d'rnaeven aaf

Aafbraeking

• langs

Verwantje wäörd

• d'rnaeve, mis, raak, sjampes

Zagswies

• langs kómme:
  1. inne buurt zeen

     Kóm mer 'ns aan wens te langs kums!

  2. (graof spraokgebroek) aankómme
• langs mótte: veurbie mótte kónne veur oppe bestumming te kómme

  Sjael hoon, kins se neet zeen det ich langs mót?

• veur langs: langs de veurkantj van get

  Ich doon dae kabel veur langs; anges ligk dae te zieër oet.

  Höbs te-n onnag det landj veur langs gesjoeffeldj?

Bieveugelik naamwaord

Neet-lemma

langs /làŋ̊s/

1. (neet-lemma) partitief van lang
2. (neet-lemma) inkelveljige vorm inne positieve flexieadverbiaal van lang

Aafbraeking

• langs

Net get anges gesjreve

• lanks

Bieveugelik naamwaord

Neet-lemma

langs /làŋ̊s/

1. (neet-lemma) partitief van lank

Aafbraeking

• langs

Net get anges gesjreve

• lanks

Biewaord

Neet-lemma

langs /làŋ̊s/

1. (neet-lemma) superlatief van lang
2. (neet-lemma) superlatief van lank

Aafbraeking

• langs

Net get anges gesjreve

• lanks

Wirkwaord

Neet-lemma

langs /làŋ̊s/

1. (neet-lemma) inkelveljigen twieëdje-persoeansvorm (doe) innen hujigen tied van lange

Aafbraeking

• langs

Net get anges gesjreve

• lanks