Zonnewage

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

De Nuna 3 op 't circuit van Zandjvoort

Eine zonnewage is ein voertuug det zonne-energie es krachbron gebroektj. Op dit moment zeen dees voertuuge nog gein volwaardige vervangmiddele voor de huidige auto's, maar d'r waere waal races georganiseerdj om 't ongerzeuk nao ein dergelikke aandrieving te sjtimulere. Voorbeeldje van dees races zeen World Solar Challenge en American Solar Challenge.

Biej 't ontwerp van eine zonnewage weurdj d'r nao versjillendje aspecte van 't voertuug gekeke. Om te beginne mot 't gewich zo leeg meugelik gehaaje waere. Zo weurdj de weinige krach die 't voertuug oet de zonnesjtraole haoltj optimaal benutj. Ouch zorge ze d'r altied veur det d'r zoväöl meugelik oppervlakte van'ne auto bezatj is mit zonnecelle om 't rendement te verheuge. Ouch weurdj d'r väöl aandach bestaejdj aan'ne aerodynamica van'ne zonnewagen, aangezeen deze zo weinig meugelik weersjtand mot ongervinje van'ne loch. Omdet zonnecelle ein vriej leeg elektrische krach levere, mot men al dees maotregele treffe om dees beperking te compensere.

Veurbeeldje van zonnewages

• Nuna 1, Nuna 2, Nuna 3 en Nuna 4, de zonnewage van'ne TU Delft
• Solutra en'ne Twente One, de zonnewage van'ne Universiteit Twente
• Umicar en'ne Umicar Infinity, de zonnewage van 't Umicore Solar Team van Groep T