Rostov aon d'n Don
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Rostov aon d'n Don (Russisch: Росто́в-на-Дону́ Rostov-na-Donoe) is 'n stad in 't zuie vaan Rusland, hoofstad vaan 't oblas Rostov, aon de revier d'n Don. De stad ligk kort veur de d'n delta vaan die revier, 32 kilometer vaan de Zie vaan Azov. Bij de volkstèlling vaan 2010 had ze 1.089.261 inwoeners.
Rostov oontstoont in d'n achtienden iew es handelspos veur de handel mèt 't Osmaans Riek euver de Zwarte Zie. Door zien ligking kortbij de toenmaolege rieksgrens had de locatie ouch militair belaank. De stad is geneump nao 't kleinder meh väöl awwer Rostov in 't oblas Jaroslavl; in 1797 vestegde de Rostovse oondernumming Rostovski Oejezd ziech hei. In 1806 woort de plaots officieel herneump tot Rostov-na-Danoe. De stad oontwikkelde ziech in d'n iew dee volgde van handelsplaots tot industriestad. Oet de Oekraïne woorte steinkole en iezererts aongeveurd. Veural nao 1870, wie Rostov op 't spoor woort aongeslote, góng 't hel. In 1928, oonder communistisch bewind, woort Rostov aon d'n Don veur 't iers oblashoofstad (in plaots vaan de aw kozakkestad Novotsjerkassk). In d'n Twiede Wereldoorlog kaom de stad twie kier in han vaan de Pruse: iers kort in november 1941 en daan väöl langer vaan juli 1942 tot fibberwarie 1943.
Dit artikel is e sjtumpke. De kans Wikipedia helpe door 't aan te völle