Röntgenstraoling

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Ein vanne aadste röntgenfoto's.

Röntgenstraoling is lektromagnetische straoling mit 'n hoger innerzjie es zichbaar leech. Die is verneump nao d'n óntdèkker daovan, Wilhelm Konrad Röntgen. De golflingdje van röntgenstraoling wuuert arbitrair bepaoldj tösse die van ultraviolet leech en gammastraoling, van zón 4,5 nm toet 0,1 nm, of zón 1 toet 100 keV.

Röntgenstraoling wuuert juus wie ultraviolette straoling taengegehaje doren dampkrink vanne aerd; de röntgenstraoling vanne zón bereik de gróndj dus neet. Röntgenstraoling behuuert toette ioniserendje straolingssaorten en kan dus sjemische reacties opbringen in stóffe wo 't op vèltj. Es de besträöldje stóf e laevendj waefsel is kan det leie toet straolingssjaaj innen DNA.

Röntgenstraoling haet wichtige toepassingen inne genaeskónde. Me broek 't diagnosticerendj es beeldjvormendje techniek (wie veur röntgenfoto's enne CT-scan) en therapeutisch bieje bestraoling van kwaodaardige tumore.

Inne techniek waere röntgenstraole gebroek veur lasnäöj te kónterleren op faelers.