Noord-Braobant

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Noord-Braobant (Noord-Brabant)

Hoofsjtad

Den Bosch

Opperflaakde
– woevan land
– woevan water

5.082,06 km²
4.901,54 km²
180,52 km² (3,6%)

Inwoeners
– Deechde:

2.644.739 (2024)
540/km² (land)

Commissair van de Keuning (lies)

Ina Adema (VVD)

Óntsjtange oet

Staots-Braobant (in 1648 formeel aofgesjeie)

Belangriekste lokaalsjpraok(e)

Braobants

Vouksleed

geint

Noord-Braobant (officiële naom Noord-Brabant) is 'n provincie in zuidelek Nederland. Nao absoluut aontal inwoeners is 't de twiede vaan 't land. Geografisch vörmp Noord-Braobant d'n euvergaank vaan de kleilen in 't reviergebeed nao de oosteleke zavelgroond.

Gemeintes

Braobant heet sinds 2022 56 gemeintes.

Noord-Braobant is vaanaajds 'n groete en diechbevolkde provincie mèt väöl dörper; daorum had 't vreuger ouch väöl gemeintes. Al begin negentienden iew, vaan 1810 tot 1821, begós me versjèllende dörper bestuurlek same te veuge. Ter verglieking: in Holland en Zieland weure daan allein de alderkleinste gemeintes opgeheve. Belaankrieke herindeilinge voonte wijer plaots in 1920 (stadsoetbreiing Eindhove), 1923, 1942 (oonder meir stadsoetbreiing Breda), 1973 (Land vaan Altena), 1994 (Noordoos-Braobant) en veural in 1997 (ganse provincie). De groetste herindeiling die me sindsdeen in de provincie had waor in de Meierij, boe me in 2017 de gemeinte Meierijstad instèlde. Veur 2022 stond nog 'n fusie in 't Land van Kuuk in de planning.

Zuug wijer lies vaan geweze gemeintes in Noord-Braobant.

Aongrenzende distrikte

Noord-Braobant grens aon de volgende distrikte, naomelek Nederlandse en Belzje provincies:

Zuid-Holland - noordweste
Gelderland - noordooste
Limbörg - ooste
Limbörg, Belsj - zuidooste
Antwerpe, Belsj - zuie
Zieland - weste

Externe links

Provincie Noord-Braobant
Noord-Brabant, Plaatsengids
Statistieken provincie Noord-Brabant, AlleCijfers

Provincies van Nederlandj
Drenthe \| Euverijssel \| Flevolandj \| Frieslandj \| Gelderlandj \| Groninge \| Limburg \| Noord-Braobantj \| Noord-Hollandj \| Utrech \| Zielandj \| Zuud-Hollandj
Gemeintes \| Watersjappe