Niels Bohr

Niels Henrik David Bohr (7 oktober 1885 in Kopehage – 18 november 1962) waor ‘ne Deense theoretische natuurkundige en theoretische sjeikundige. In 1922 kreeg heer de Nobelpries veur de natuurkunde.

Niels Bohr weurt algemein gezeen es eine vaan de opriechters vaan atoomfysica. Wiel Ernest Rutherford, es ‘ne groete experimenteur, väöl euver de interne structuur vaan ‘t atoom oontdèkde, waor ‘t Bohr zien groete verdeenste um ‘ne theoretische basis te formulere veur dit nuuj atoommodel, boemèt heer ouch ‘n groete bijdraog heet gelieverd aon de meis controversiële tak vaan fysica in de 20e iew: kwantummechanica.