Newcastle-upon-Tyne
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
| Newcastle-upon-Tyne | |
|---|---|
  Newcastle-upon-Tyne | |
| Basisinformatie | |
| Status | Metropolitan Borough City (1882) |
| Regio | North East England |
| Ceremonieel graafsjap | Tyne and Wear |
| Oppervlak | 113,44 km² |
| Inwoners | 459.500 (same mit Gateshead) |
| ONS-Code | 00CJ |
| Website | www.newcastle.gov.uk |
Newcastle-upon-Tyne ([ˈnjuːˌkɑːsl əˌpɒn ˈtaɪn]; Mofers: Nuujkaastel) is 'n stad in 't noordoeaste van 't Vereinig Keuninkriek, ligkend aan de noordoever vanne reveer de Tyne. Same mit de aanligkende stad Gateshead haet zie óngevieër 459.500 inwoners.
Newcastle waerde in de twieëde ieëw gestich door de Romeinse keizer Hadrianus. Zie heitte doe Pons Aelius. Naodet de Romeine oet Ingeland vertrókke waas 't de houfstad van 't keuninkriek Northumbria en waerde 't 'n baevaartsplaats vanwaege de Heilig Bron vanne Jezusberg (noe Jesmond). Nao gevechte mit de Dene waerde de stad in 1080 bekans hieëlemaol verweus en opnuuj opgeboewd.
Bezeenswaerdighede
[bewirk | brón bewèrke]Geboewe en architectuur
[bewirk | brón bewèrke]
Newcastle steit bekindj óm häör brögke. 't Belangriekste herkinningspunt is de Tyne Bridge. 'n Moderner brök is de Millennium Bridge.
't Äöpene van dees brök is 'n groeate touristisse trèkpliester, ómdet zie kantelend äöpent.
'n Anger bekindj geboew is de Sint-Nicolaaskathedraal oet 't jaor 1091.
Aanne angere oever vanne Tyne steit 't meziekcentrum The Sage Gateshead, e futuristis glaze geboew.
Musea
[bewirk | brón bewèrke]Newcastle haet 't groeatste Centre for Life van Europa, wo exposities euver 't laeve gehaje waere.
Aanne kantj van Gateshead steit 't BALTIC Centre for Contemporary Art. 't Waas vreuger 'ne mieëlmeule, noe waert 'r modern kuns geëxposeerd.
Ouch kan me 't aaj Hoes van Bessie Surtees (Bessie Surtees House) bezichtige.
