John F. Kennedy
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/c/c3/John_F._Kennedy%2C_White_House_color_photo_portrait.jpg/220px-John_F._Kennedy%2C_White_House_color_photo_portrait.jpg)
John Fitzgerald Kennedy (29 mei 1917 - 22 november 1963), verkort toet JFK, waas 'nen Amerikaanse politicus van de Democrate. Hae waerde in 1960 de viefendertigste president van de Vereinigde Sjtaote; hiebie wón d'r mit 'n klein meerderheid van de republikein Richard Nixon. Zien presidentsjap is ein van de sjpraokmakendste van d'n twintjigsten eeuw, neet allein door zien perseunlikheid, mer ouch door de maord op dem in Dallas op 22 november 1963. Lee Harvey Oswald, wae waerde besjöljig van de maord, waerde inkel daag later neergesjaote.
Kennedy koom oet 'n van oorsjprónk Ierse kattelieke femilie. Ziene pap, Joseph P. Kennedy sr., waas 'ne politicus en zakemiens. 't Gezin wo Kennedy opgruide is heel invloodriek gewaore, en weurt waal de Kennedyclan geneump.
Zien presidentsjap begós good in 'nen economisch gojen tied. Waal goof 't in de Vereinigde Sjtaote e paar sjtriedpuntje, worónger 't racisme det in 't zuje nog väöl veurkoom, mer wo 't verzit ummer sjterker waerde ónger invlood van Martin Luther King.
In de tweede hèlf van zien presidentsjap waerde de internasjenaal sjpanninge grótter in de Kajen Oorlog, waat oetmundje in de Cubacrisis en sjterker Amerikaanse inminging in de Viëtnamoorlog.
John F. Kennedy is de president dae bekindj maakde det zie landj van plan woor 'ne miens op de man te zitte óm zo de ruumtewèdloup mit de Sovjet-Unie te winne (Apollo 11).